فوتو سەناتتىڭ ءباسپاسوز قىزمەتى
شاراعا سەناتورلار اندرەي لۋكين, ولگا بۋلاۆكينا, جاننا اسانوۆا, نۇريا نيازوۆا جانە ساكەن ارۋباەۆ قاتىستى.
سەناتورلار رەسەيلىك ارىپتەستەرىمەن ەنەرگەتيكا جانە كولىك لوگيستيكاسى سالاسىنداعى ەكىجاقتى ىنتىماقتاستىقتىڭ نەگىزگى ماسەلەلەرىن, وڭىرارالىق جانە شەكارا ماڭىنداعى ءوزارا ءىس-قيمىلدىڭ كەلەشەگىن, سونداي-اق ۇلى وتان سوعىسى باتىرلارىنىڭ تاريحي ەستەلىگىن ساقتاۋ شارالارىن تالقىلادى.
جاقىپ اسانوۆ ءوز سوزىندە رەسەي قازاقستان ءۇشىن ەڭ ماڭىزدى ستراتەگيالىق ارىپتەس جانە سەنىمدى وداقتاس ەكەنىن اتاپ ءوتتى.
«پرەزيدەنتتەردىڭ دوستىق قارىم-قاتىناسى بارلىق دەڭگەيدەگى بايلانىستاردىڭ سيپاتىن بەلگىلەپ بەردى. ەكى ەل پارلامەنتتەرىنىڭ بايلانىستارى بويىنشا قارقىندى ءۇن قاتىسۋ ورىستەپ كەلەدى. قازاقستان مەن رەسەيدىڭ ۇكىمەت باسشىلارىنىڭ, سالالىق مەملەكەتتىك ورگاندار باسشىلارىنىڭ كەزدەسۋلەرى تۇراقتى تۇردە وتۋدە. مەنىڭ ويىمشا, ءبىز ءوز تاراپىمىزدان كوميسسيانىڭ جۇمىسى ەكى مەملەكەتكە دە بارىنشا پايدا اكەلۋى ءۇشىن قولدان كەلگەننىڭ ءبارىن جاساۋىمىز كەرەك», دەدى جاقىپ اسانوۆ.
رەسەي تاراپى ءوز كەزەگىندە ىنتىماقتاستىقتى ودان ءارى نىعايتا تۇسۋگە دايىن ەكەنىن ءبىلدىردى. اندرەي ياتسكين سىندارلى ديالوگ پەن بىرلەسكەن جوبالاردى ىسكە اسىرۋ ەكىجاقتى قاتىناستاردى دامىتۋعا جانە رەسەي مەن قازاقستان اراسىنداعى ستراتەگيالىق ارىپتەستىكتى تەرەڭدەتۋگە ىقپال ەتەتىنىن اتاپ ءوتتى.
