فوتو: Midjourney
اتوم ونەركاسىبىندەگى وتاندىق كاسىپورىنداردىڭ رولىنە ەرەكشە نازار اۋدارىلدى. «قازاتومونەركاسىپ» كومپانياسىندا ۋران وڭدەلەدى جانە يادرولىق وتىن قالدىعى جيناقتالىپ كومىلەدى. ەلىمىزدە يادرولىق رەاكتورلار جارتى عاسىردان استام ۋاقىت جۇمىس ىستەپ كەلەدى, ولار يادرولىق عىلىمنىڭ دامۋىنا قولداۋ كورسەتىپ جاتىر.
سەناتور رۋسلان رۇستەموۆ ەلىمىزدىڭ شيكىزاتتىق ەمەس الەۋەتىن دامىتۋ ءۇشىن اتوم ەنەرگياسىن ءتيىمدى پايدالانۋعا باعىتتالعان عىلىمي جوبالاردى جۇزەگە اسىرۋ قاجەت ەكەنىن اتاپ ءوتتى.
«ەلىمىزدىڭ شيكىزاتتىق ەمەس الەۋەتىن دامىتۋدا يادرولىق فيزيكا ينستيتۋتى عالىمدارىنىڭ زياندى ورگانيكالىق زاتتاردىڭ, زياندى ميكروورگانيزمدەردىڭ, سۋدان رادياتسيالىق وڭدەۋ ارقىلى تارالاتىن اۋرۋلاردىڭ, حيميالىق رەاكتسيالاردىڭ اسەرى تۋرالى جوبالارىن جۇزەگە اسىرۋعا ۋاقىت قالعان جوق. ينستيتۋت عالىمدارى وزونداۋعا قاراعاندا رادياتسيالىق وڭدەۋدىڭ ۇنەمدى ەكەنىن جانە حلورلاۋدان الدەقايدا ءتيىمدى بولاتىنىن, سونىمەن قاتار الەمدەگى ازىق-ت ۇلىك تاپشىلىعىن وتەيتىنىن ەرتەدە دالەلدەگەن بولاتىن. بەيبىت اتومنىڭ ەل ەكونوميكاسىنداعى الەۋەتىن ارتتىرۋ جانە ونىڭ ونەركاسىپتەگى جەتىستىكتەرىن ءتيىمدى پايدالانۋعا باعىتتالعان جوبالارعا جول اشۋ كەرەك», دەپ اتاپ ءوتتى سەناتور رۋسلان رۇستەموۆ.
پارلامەنتشىلەر سونىمەن قاتار الداعى رەفەرەندۋمنىڭ ماڭىزىنا توقتالىپ, ونى ازاماتتار مەن مەملەكەت اراسىنداعى ساياسي مادەنيەت پەن سەنىمدى نىعايتۋدىڭ ماڭىزدى قۇرالى دەپ اتادى. ولار بارشا ەل ازاماتتارىن داۋىس بەرۋگە بەلسەندى قاتىسۋعا شاقىردى, ويتكەنى اركىمنىڭ داۋىسى ەل بولاشاعى ءۇشىن ماڭىزدى.
