فوتو:massaget.kz
1941 جىلى قازاق كسر حالىق كوميسسارلارى كەڭەسىنىڭ قاۋلىسىمەن الماتى كينوستۋدياسى قۇرىلعان ەدى.
1960 جىلى كينوستۋديا اتاۋى «قازاقفيلم» بولىپ وزگەرتىلسە, 1984 جىلى وعان قازاق كينەماتوگرافياسىنىڭ كەمەڭگەر قايراتكەرى شاكەن ايمانوۆتىڭ ەسىمى بەرىلگەن.
قازاق كينوسى كۇنىن اتاپ ءوتۋدى 2005 جىلى قازاقستان كينەماتوگرافيستەرى وداعىنىڭ باسشىسى بولعان باۋىرجان نوگەربەكوۆ ۇسىندى. سودان بەرى 12 قىركۇيەكتە «قازاق كينوسىنىڭ كۇنى» جىل سايىن اتالىپ وتىلەدى.
«بۇگىندە وتاندىق كينو سالاسى قارقىندى دامىپ جاتىر. سالالىق زاڭنىڭ قابىلدانۋى, ۇلتتىق كينونى قولداۋ ورتالىعىنىڭ قۇرىلۋى, قازاقستان باستاماشى بولعان كينوفەستيۆالدەردىڭ جاڭا ساپالىق دەڭگەيگە شىعۋى, قازاق فيلمدەرىنىڭ الەمدىك كينوفورۋمداردا مويىندالۋى جانە جوعارى ماراپاتتار الۋى – مۇنىڭ بارلىعى وتاندىق كينەماتوگرافتىڭ ۇلكەن الەۋەتىن كورسەتەدى», دەلىنگەن مادەنيەت جانە اقپارات مينيسترلىگىنىڭ حابارلاماسىندا.
