فوتو: gov.kz
اۋىل شارۋاشىلىعى جەرلەرىن ءبولۋدىڭ بارلىق پروتسەدۋراسى تسيفرلاندىرىلعان اتالعان جوبانى ادىلدىك پەن اشىقتىقتى قامتاماسىز ەتۋ ماقساتىندا وبلىس پروكۋراتۋراسى مەن وبلىستىق جەر قاتىناستارى باسقارماسى بىرلەسىپ قولعا العان.
جوبا رەسپۋبليكادا العاش رەت پيلوتتىق رەجيمدە الداعى قاراشا ايىندا سارقان اۋدانىندا جۇزەگە اسىرىلادى دەپ جوسپارلانىپ وتىر. ول ءوز تيىمدىلىگىن كورسەتسە, كەلەسى جىلدان باستاپ بارلىق ەل اۋماعىندا ىسكە قوسىلادى.
«جەرگىلىكتى جەردە كەمىندە 5 جىل تۇرعان ازاماتتار مەن كاسىبىن باستاعانىنا ءۇش جىلدان اسپاعان كاسىپكەرلەرگە ارتىقشىلىق بەرىلەدى. وعان قوسا ەگىستىك جەرلەر ءۇشىن تەحنيكالارىنىڭ قۋاتتىلىعى, جايىلىم جەرلەر ءۇشىن مال باسىنىڭ سانى, سونىڭ ىشىندە تەحنيكا مەن مالدىڭ كەمىندە ون ەكى اي بۇرىن تىركەلگەندىگى ەسەپكە الىنادى. ءتىپتى شارۋاشىلىقتاعى قىزمەتكەرلەر سانى, ولاردىڭ زەينەتاقى مەن سالىق اۋدارىمدارىنىڭ بولۋى دا ەسكەرىلەدى. وسىنىڭ بارىنە بەلگىلى دەڭگەيدە بالل بەرىلەدى. بۇل تۇپتەپ كەلگەندە اۋىل شارۋاشىلىعىن ءتيىمدى دامىتۋعا باعىتتالىپ وتىر», دەيدى وبلىستىق جەر قاتىناستارى باسقارماسىنىڭ باسشىسى ەرمەك اپەكوۆ.
باسقارما باسشىسىنىڭ ايتۋىنشا, ەلەكتروندى كونكۋرستىڭ وتكىزىلۋ پروتسەسىنە جەرگىلىكتى اتقارۋشى ورگاننىڭ قىزمەتكەرلەرى قاتىسپايدى. جانە وندا بۇرىنعىداي ينۆەستيتسيا كولەمى ەسكەرىلمەيدى. وعان قوسا ءىرى جەر كولەمىنىڭ ءبىر قولدا شوعىرلانۋىنا دا جول بەرمەۋ قاراستىرىلعان. سونداي-اق كونكۋرسقا قاتىسۋشىلار ءتۇرلى انىقتامالار مەن قۇجاتتار جيناپ اۋرەلەنبەيدى, سەبەبى تسيفرلىق جۇيە اۋىل شارۋاشىلىعى, ادىلەت, قارجى, ەڭبەك جانە حالىقتى الەۋمەتتىك قورعاۋ مينيسترلىكتەرىنىڭ دەرەكتەر بازاسىمەن ينتەگراتسيالانعان.
اتالعان وبلىستا وسى جىلدىڭ باسىنان بەرى جەر بولۋگە قاتىستى 28 كونكۋرس وتكىزىلدى, وعان 659 ادام قاتىسىپ, 84 مىڭ گەكتاردان استام جەر ءبولىنىپ بەرىلگەن.
