فوتو: zh-shugylasy.kz
«مەكتەپتەردىڭ جۇمىسىن جاقسارتۋ شارالارىن قولعا العان ءجون. مۇعالىمدەردىڭ بىلىكتىلىگىن ارتتىرۋعا جانە الەۋمەتتىك مارتەبەسىن كوتەرۋگە كوڭىل بولگەن ابزال. ۇستازدار – ۇلتتىڭ زياتكەرلىك قۋاتى. ولار ءبىلىمدى ۇرپاق تاربيەلەۋ ارقىلى ەلىمىزدىڭ وركەندەۋىنە جول اشادى. ۇزدىك وقۋ باعدارلاماسى, زاماناۋي مەكتەپتەر, وزىق باسقارۋ جۇيەسى بولسا دا, ۇستاز بىلىكتى بولماسا, ونىڭ ءبارى بەكەر ەكەنى انىق. سوندىقتان پەداگوگيكالىق جوعارى وقۋ ورىندارىنا تالاپتى, قابىلەتتى جاستاردى قابىلداۋعا باسا ءمان بەرۋ كەرەك. جالپى بۇل باعىتتاعى جۇمىستىڭ بەتالىسى جاقسى, ونى جالعاستىرۋ قاجەت», دەدى پرەزيدەنت قازاقستان حالقىنا جولداۋى بارىسىندا.
ودان بولەك, بالانى مەكتەپكە دايىنداۋ ماسەلەسىنە ايرىقشا نازار اۋدارعان ءجون. سەبەبى مەكتەپكە دەيىنگى تاربيە بەرۋ جانە وقىتۋ ىسىنە مەملەكەتپەن قاتار اتا-انالار دا جاۋاپتى. سوندىقتان مەكتەپكە دەيىنگى ءبىلىم بەرۋ سالاسىندا ءار بالاعا بولىنەتىن قاراجات وتباسىنىڭ ناقتى تابىسىنا بايلانىستى بولۋى كەرەك.
«وسىلايشا, ءبىز ءبىلىم بەرۋ جۇيەسىن ودان ءارى جەتىلدىرۋ ارقىلى شىن مانىندە مۇقتاج ازاماتتارعا كومەك كورسەتەمىز جانە مەملەكەتتىك قولداۋدىڭ اشىق بولۋىن قامتاماسىز ەتەمىز. تۇپتەپ كەلگەندە, ازاماتتارىمىزدىڭ الەۋەتىن ارتتىرامىز», دەپ ناقتىلادى مەملەكەت باسشىسى.
