AFD – بۇل ەۋرازيا ءوڭىرىنىڭ جىل سايىنعى قارجى كونفەرەنتسياسى, ول 2018 جىلدان بەرى قارجى سالاسىنىڭ جەتەكشى ساراپشىلارىنىڭ, ينۆەستورلار مەن بيزنەس-كوشباسشىلاردىڭ باسىن قوساتىن پلاتفورما رەتىندە قىزمەت ەتىپ كەلەدى. جىل سايىن الەمنىڭ 70-تەن استام ەلىنەن 3000-نان استام قاتىسۋشى وسى ايتۋلى وقيعاعا قاتىسادى, بۇل كورسەتكىشتەر ونىڭ ورتالىق ازيانىڭ قارجىلىق ومىرىندەگى ماڭىزىن ايشىقتايدى. مەملەكەتتىك ورگانداردىڭ وكىلدەرى, قارجى سالاسىنىڭ ساراپشىلارى, ينۆەستورلار مەن بيزنەس باسشىلارى قارجى سالاسىنىڭ قازىرگى زامانعى پروبلەمالارىن, ۇردىستەرى مەن مۇمكىندىكتەرىن تالقىلاۋ ءۇشىن ءبىر الاڭعا جينالادى.
كونفەرەنتسيانىڭ التىن سەرىكتەستەرى – Visa, Freedom Holding Corp, Kaz Minerals, كۇمىس سەرىكتەستەرى – Solidcore Resources, Eurasian Bank, MYD Production.
بيىل «يننوۆاتسيا, ينۆەستيتسيا, سەرپىن» باعىتتارى بويىنشا وتەتىن كونفەرەنتسيانىڭ باعدارلاماسى: قازاقستاننىڭ ينۆەستيتسيالىق مۇمكىندىكتەرى, كاپيتال نارىقتارىنىڭ وڭىرلىك دامۋى, ۆەنچۋرلىق ينۆەستيتسيالار, اكتيۆتەردى باسقارۋ سالاسىن دامىتۋ الەۋەتى, كرەاتيۆتى يندۋسترياعا ينۆەستيتسيالار, جاساندى ينتەللەكتىنىڭ دامۋ ۇردىستەرى, ورنىقتى قارجىلاندىرۋدىڭ جاڭا قۇرالدارى, ورتالىق ازياداعى «جاسىل» ەكونوميكانىڭ دامۋى مەن ءوسۋى, يسلامدىق جانە وتپەلى قارجىلاندىرۋ, قارجى يندۋسترياسىنداعى يننوۆاتسيالار جانە ت.ب. تاقىرىپتاردى قوزعايدى.
كونفەرەنتسيادا سونداي-اق قارجى ورتالىعىنىڭ قاتىسۋشى كومپانيالارىمەن سىندارلى ديالوگ جۇرگىزۋگە جانە ولارعا قولداۋ كورسەتۋگە جاردەمدەسۋدى كوزدەيتىن AIFC Community باستاماسى اياسىندا پانەلدىك سەسسيالار وتەدى. قاتىسۋشىلار قانداي كومپانيالار جانە قانداي سەبەپتەرمەن ءوز بيزنەسى ءۇشىن ورتالىقتى تاڭدايتىنىن, احقو قۇقىعىن كورپوراتيۆتىك باسقارۋعا ەنگىزۋ ءىس جۇزىندە قالاي وتەتىنىن بىلەتىن بولادى. AIFC Community اياسىنداعى سەسسيالار ىسكەرلىك بايلانىستار ورناتۋعا جانە احقو قاتىسۋشىلارىنىڭ قازاقستان ەكونوميكاسىنا قوسقان ۇلەسىن تۇسىنۋگە ىقپال ەتە وتىرىپ, ولاردىڭ قىزمەتىمەن تانىسۋ جانە ءوزارا قارىم-قاتىناس جاساۋ ءۇشىن مۇمكىندىكتەر اشادى.
سونىمەن قاتار AFD بارىسىندا گەندەرلىك تەڭدىكتى ىلگەرىلەتۋگە جانە داۋلاردى شەشۋ سالاسىنداعى ايەلدەردىڭ قۇقىقتارى مەن مۇمكىندىكتەرىن كەڭەيتۋگە ارنالعان «Arbitral Women» ءىس-شاراسى وتەدى. بۇدان باسقا, كونفەرەنتسيا اياسىندا بىرقاتار ەكىجاقتى كەلىسىمگە قول قويىلادى.
احقو ينۆەستيتسيالىق مۇمكىندىكتەردى زەردەلەۋ, نەتۆوركينگ جانە وڭىردەگى سوڭعى قارجىلىق ۇردىستەر مەن وقيعالار تۋرالى اقپارات الماسۋ ءۇشىن بارشانى AFD 2024-كە قاتىسۋعا شاقىرادى.
كونفەرەنتسياعا تىركەلۋ ءۇشىن https://astanafindays.org/ru/registration/ سىلتەمەسى بويىنشا ءوتىڭىز.
