العاش رەت وليمپيا ويىندارىنا قاتىسىپ تۇرعان يسلام ساتپاەۆ پەن الەكساندر لە جۇبى گەرمانيا قۇراماسىنان (اننا يانسەن, ماكسيميليان ۋلبريح) باسىم ءتۇستى.
ء«سۇيىنشى, ارداقتى اعايىن! پاريج وليمپياداسىنىڭ العاشقى جۇلدەسى قورجىنعا ءتۇستى. جارىستىڭ العاشقى كۇنىندە مەرگەندەرىمىز — يسلام ساتپاەۆ پەن الەكساندرا لە وليمپيادانىڭ قولا جۇلدەگەرى اتاندى! بارشاڭىزدى وسىناۋ ايتۋلى ناتيجەمەن شىن جۇرەكتەن قۇتتىقتايمىن! مەرگەندەرىمىز قولا جۇلدە ءۇشىن تالاستا گەرمانيا وكىلدەرىن اينالىپ ءوتتى. ولاردىڭ جەڭىستى جولى باسقا وتانداستارىمىزعا دا جۇعىستى بولسىن! مەرگەندەرىمىز الداعى ۋاقىتتا دا جانكۇيەر قاۋىمدى قۋانتادى دەپ سەنەمىن. ويتكەنى ولاردىڭ مۇمكىندىگى جوعارى. بۇل جەتىستىك اتالعان سپورت ءتۇرىنىڭ بىزدە ەلدە قارقىندى دامىپ كەلە جاتقاندىعىنىڭ جارقىن كورىنىسى. مەرگەندەرىمىز ءمۇلت كەتپەسىن! تىلەكتەسپىز! »— دەدى قر تۋريزم جانە سپورت ءمينيسترى ەرمەك مارجىقپاەۆ.
ايتا كەتەيىك, ءبىزدىڭ مەرگەندەر ەرتەرەكتە ىرىكتەۋدە 630.1 ۇپاي جيناعان. يسلام مەن الەكساندرا دۋەتى - بىلتىر حانچجوۋدا وتكەن جازعى ازيا ويىندارىنىڭ قولا جۇلدەگەرى.
