ۋتيل الىمعا قاتىستى شەشىم قابىلداندى

قوعامنىڭ قىزۋ تالقىسىندا بولعان ماسەلەنى ارنايى قۇرىلعان جۇمىس توبى قارادى. بۇل قۇرامدا زاڭناماعا سايكەس مۇددەلى مەملەكەتتىك ورگانداردىڭ وكىلدەرى, پارلامەنت دەپۋتاتتارى, ءوتىنىش بەرۋشى جانە ونىڭ وكىلدەرى, سونداي-اق قوعامدىق بىرلەستىكتەر بولدى.

جۇمىس توبىنىڭ وتىرىستارىن وتكىزۋ بويىنشا ءىس-شارالار جوسپارى ازىرلەنگەن.  وندا كوكشەتاۋ, الماتى, سەمەي, قوستاناي قالالارىنداعى ماشينا جاساۋ كاسىپورىندارىنا بارۋ بولدى, وعان «كاماز-ينجينيرينگ», «Kazrost Engineering Ltd.», «قازاقستان اگرويننوۆاتسيالىق كورپوراتسياسى», «Hyundai Trans Almaty», «Hyundai Trans Kazakhstan», «سەماز», «Daewoo Bus Kazakhstan» زاۋىتتارى كىرگەن.

«پەتيتسيانى قاراۋ بارىسىندا ونىڭ اۆتورى مەن باستاماشىل توبى قايتا وڭدەۋ تولەمىن ەنگىزۋ باسەكەلەستىكتىڭ بۇزىلۋىنا اكەلىپ سوقتىرعانىن جانە سونىڭ سالدارىنان اۆتوكولىكتەردىڭ, اۋىلشارۋاشىلىق تەحنيكالارى مەن ارنايى تەحنيكالاردىڭ باعاسىنىڭ كۇرت وسۋىنە سونداي-اق اۆتوكولىك پاركىنىڭ ەسكىرۋىنە اكەلدى دەگەن ۋاجدەرىن ايتتى. سونداي-اق پەتيتسيادا «جاسىل دامۋ» اق ۋتيليزاتسيالاۋ جونىندەگى مىندەتتەمەلەرىن ورىنداماي, ەكولوگيالىق كودەكس تالاپتارىن بۇزىپ وتىرعانى ايتىلعان.

ۋاكiلەتتi مەملەكەتتiك ورگاندار مەن ۇيىمدار ءوتiنiشتiڭ دالەلدەرiمەن جانە وعان كەلiپ تۇسكەن ەسكەرتۋلەرمەن كەلiسپەيتiنiن بiلدiردi.

«قر ونەركاسىپ جانە قۇرىلىس مينيسترلىگى پەتيتسيانى قاناعاتتاندىرۋدان باس تارتۋ تۋرالى شەشىم قابىلدادى», دەلىنگەن ۆەدومستۆو حابارلاماسىندا.

پەتيتسيا اۆتورى اكىمشىلىك اكتىنى قابىلداۋعا بايلانىستى ارەكەتكە (ارەكەتسىزدىككە) شاعىم جاساۋعا قۇقىلى.