فوتو: nitec.kz
جۇمىس بەرۋشى https://hr.enbek.kz پورتالىندا ءوزىنىڭ جەكە كابينەتىندە ەلەكتروندىق ەڭبەك شارتىنىڭ جوباسىن جاساپ, ونى جۇمىسكەرگە كەلىسۋگە جولدايدى. جۇمىسكەرگە شارتقا قول قويۋ ۇسىنىسىمەن eGov Mobile ءموبيلدى قولدانباسىندا push-حابارلاما كەلەدى. جۇمىسكەر ءوزىنىڭ جەكە باسىن قىسقا پارولمەن, ءموبيلدى قوسىمشاداعى بيومەتريالىق دەرەكتەرمەن راستايدى, Push-حابارلاما ارقىلى وتەدى. جۇمىسكەر ەڭبەك شارتىمەن تانىسادى, ەگەر شارتتارمەن كەلىسسە, قىسقا كودتى ەنگىزىپ نەمەسە بيومەتريالىق دەرەكتەرمەن تەكسەرۋدەن ءوتىپ, ءوزىنىڭ ەتسق كومەگىمەن قول قويادى. جۇيە http://hr.enbek.kz پورتالىنداعى جۇمىس بەرۋشىنىڭ جەكە كابينەتىنە حابارلاما جىبەرەدى. جۇمىس بەرۋشى ەلەكتروندىق ەڭبەك شارتىنا قولجەتىمدى تاسىلدەردىڭ بىرىمەن ەتسق نەمەسە QR ارقىلى قول قويادى. جۇيە قول قويىلعان ەلەكتروندىق ەڭبەك شارتىن ەڭبەك شارتتارىن ەسەپكە الۋدىڭ بىرىڭعاي جۇيەسىنە (ەشەبج) تىركەۋگە اۆتوماتتى تۇردە جىبەرەدى, سودان كەيىن شارت جاسالعان بولىپ ەسەپتەلەدى. سەرۆيس ىسكە قوسىلعان ساتتەن باستاپ قول قويىلعان ەلەكتروندى ەڭبەك شارتتارىنىڭ سانى 775-ءتى قۇرادى.
ەگەر پايدالانۋشىدا ءموبيلدى قولدانبا ورناتىلماعان بولسا, بىراق ماب-تا ء(موبيلدى ازاماتتار بازاسىندا) تىركەلگەن بولسا, وعان قولدانبانى جۇكتەۋگە سىلتەمەمەن, جاڭا حابارلامانىڭ كەلىپ تۇسكەنى تۋرالى اقپاراتى بار 1414 نومىرىنەن sms-حابارلاما جىبەرىلەتىن بولادى. قولدانباعا ەڭ العاش كىرگەن كەزدە پايدالانۋشىعا جىبەرىلگەن بارلىق حابارلامالار شىعىپ تۇرادى.
جىبەرىلگەن push-حابارلامالاردى ءموبيلدى قولدانبادا, حابارلاما ساناتىنا بايلانىستى «حابارلامالار» بولىمىندە كورۋگە بولادى.
قىزمەتتىڭ جاڭا فۋنكتسيونالى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەملەكەتتىك قىزمەتتەر كوميتەتى جانە ەڭبەك جانە الەۋمەتتىك قورعاۋ مينيسترلىگى مەن «ۇلتتىق اقپاراتتىق تەحنولوگيالار» اق-نىڭ بىرلەسكەن جۇمىسىنىڭ ارقاسىندا ىسكە قوسىلدى.
