فوتو: «باتىس» وڭىرلىك قولباسشىلىعىنىڭ ءباسپاسوز قىزمەتى
وتان الدىنداعى بورىشىن وتەۋگە كەلگەن ساربازداردى تەمىرجول ۆوكزالىنان اسكەري ءبولىم وركەسترىنىڭ سازدى اۋەنىمەن بىرگە 6655 اسكەري ءبولىمىنىڭ كومانديرى پولكوۆنيك ەدىلحان ايماعامبەتوۆ قارسى الدى. سودان كەيىن, جاس تولىقتىرىمدى اسكەري ءبولىم باسشىلىعى جانە وقۋ پۋنكتىنىڭ اكىمشىلىگى اسكەري ءبولىم اۋماعىندا كۇتىپ الدى.
«جاس ساربازدارعا بارلىق جاعداي جاسالعان. الداعى ۋاقىتتا اسكەري بولىمگە كەلگەن جاس ساربازدار ءبىر اي كولەمىندە جاس جاۋىنگەر اتتى ارنايى كۋرستان وتكىزىلەدى», دەدى اسكەري ءبولىم كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى پودپولكوۆنيك تورەحان تولەبي ۇلى.
الداعى ۋاقىتتا ساربازدار ءوز وتانىنىڭ تولىققاندى قورعاۋشىسى اتانۋ ءۇشىن سالتاناتتى تۇردە انت قابىلدايدى. بۇل ءىس-شارا وسى جىلدىڭ شىلدە ايىنا جوسپارلانعان.
