فوتو: istockphoto.com
وبلىس اكىمىنىڭ تاپسىرماسىنا سايكەس, ءورت سوندىرۋگە جۇمىلدىرىلعان كۇشتەردى ۇيلەستىرۋ ءۇشىن وبلىس اكىمىنىڭ ورىنباسارى ق.مادىبەك, تج دەپارتامەنتىنىڭ باسشىسى ا.توقانوۆ, تابيعات رەسۋرستارى جانە تابيعاتتى پايدالانۋدى رەتتەۋ باسقارماسى باسشىسىنىڭ م.ا. ن.ەگەمبەرديەۆ وقيعا ورنىنا شىقتى.
«كەشە (04.06) ساعات 16:20 شاماسىندا جامبىل وبلىسىنىڭ «مەركى ورمان جانە جانۋارلار دۇنيەسىن قورعاۋ مەكەمەسى» كمم سارىقوبا ورمانشىلىعىنىڭ اۋماعىندا قۇرعاق شوپتەر مەن بۇتالار ورتەنگەن. بارلىعى 244 ادام جانە 50 بىرلىك تەحنيكا تارتىلدى, ونىڭ ىشىندە: جەرگىلىكتى جەردە ورمان شارۋاشىلىعى قىزمەتكەرلەرىنەن 100 ادام جانە 13 تراكتور, 2 اۆتوتسيستەرنا, سونداي-اق 12 جەڭىل اۆتوموبيل, قازاۆيااقورعاۋدىڭ 1 تىكۇشاعى جانە 6 قىزمەتكەرى جۇمىس ىستەپ جاتىر», دەلىنگەن رەسمي حابارلامادا.
سونداي-اق تجد جەكە قۇرامىنىڭ 84 ادامى مەن 9 بىرلىك تەحنيكاسى جۇمىلدىرىلدى.
قوسىمشا, ورمان شارۋاشىلىعىنان 31 ادام جانە 6 جەڭىل اۆتوكولىك جانە جەرگىلىكتى اتقارۋشى ورگانداردان 26 ادام 10 بىرلىك تەحنيكاسى وقيعا ورنىنا شىقتى.
