فوتو: قورعانىس مينيسترلىگى
«جاتتىعۋ بارىسىندا دەسانتتىق-شابۋىلداۋ اسكەرلەرىنىڭ جەكە قۇرامى اتىس قارۋى مەن شەتەلدىك قارۋ-جاراقتى يگەرىپ قانا قويماي, باسقا ەلدەردىڭ اسكەري كونتينگەنتىمەن ءوزارا ءىس-قيمىل جاساپ, تاجىريبە الماستى. ۇيلەسىمدى جۇمىسقا تىلدىك كەدەرگى دە توسقاۋىل بولعان جوق. مىندەتتەردى ورىنداۋعا اسكەري قىزمەتشىلەرىمىزدىڭ جوعارى كاسىبيلىگى نەگىز بولدى», دەپ جەتكىزدى توپ ۇيلەستىرۋشىسى پودپولكوۆنيك ماديار قاناەۆ.
قاتىسۋشى تاراپتاردىڭ اسكەري قىزمەتشىلەرى ءارتۇرلى كاليبرلى اتىس قارۋىنان پراكتيكالىق اتىستاردى, ەلدىمەكەندە ۇرىس جۇرگىزىپ, شارتتى قارسىلاستى بەيتاراپتاندىرۋ جونىندەگى مىندەتتەردى ورىندادى. سانيتارلىق بولىمشەلەر جارالانعان اسكەري قىزمەتشىگە العاشقى مەديتسينالىق جاردەم ەتۋ بويىنشا جانە ۇرىس جاعدايىنا بارىنشا جاقىنداتىلعان ەۆاكۋاتسيالاۋ داعدىلارىن پىسىقتادى.
اسكەري قىزمەتشىلەرگە جوعارى كاسىبيلىگىن راستايتىن سەرتيفيكاتتار تابىس ەتىلدى.
ەستەرىڭىزگە سالايىق, «EFES-2024» حالىقارالىق كوپۇلتتى وقۋ-جاتتىعۋى تاجىريبە الماسۋ, بىرلەسكەن قىزمەت ۇيىمداستىرۋ, كاسىبيلىك پەن دايىندىق دەڭگەيىن ودان ءارى ارتتىرۋ ماقساتىمەن ءوتتى.
