ونى ۇيرەتۋدى باستاۋىش سىنىپتان باستاسا, باعى اشىلادى
ءبىر زاماندارى ەسكىلىكتىڭ بەلگىسى دەپ ەلەپ-ەسكەرمەگەن ۇلتتىق قولونەرىمىز قازىر قايتا جاندانىپ, حالىقتىڭ يگىلىگىنە اسىپ, وزگە جۇرتتاردىڭ قىزىعۋشىلىعىن تۋعىزىپ كەلەدى. مەن وسى ءداستۇرلى ونەردى مەكتەپ تابالدىرىعىنان, ونىڭ ىشىندە باستاۋىش سىنىپتان باستاپ وقۋشىلارعا ۇيرەتۋدى كوپتەن ويلانىپ جۇرەتىن ەدىم. جالپى, بۇل ءىستى قولعا العانداعى باستى ماقساتىم, قورشاعان دۇنيەدەگى ادام قولىمەن جاسالعان شەبەرلىكتى ۇل مەن قىزدىڭ بويىنا ءسىڭىرۋ, ەڭبەككە باۋلۋ نيەتتەن تۋعان ەدى. تابيعي ماتەريالداردان جاساعان بۇيىمدار قاي زاماندا دا سۇرانىسقا يە. ول ەكىنشى جاعىنان وقۋشىنى تياناقتىلىققا, ەڭبەكقورلىققا, ۇلتتىق ۇلگىگە تاربيەلەيدى. مۇنىمەن قاتار, كىشكەنتاي كەزىنەن سالت-ءداستۇرىمىزدى, جاۋھارداي قۇندىلىقتارىمىزدى كوز الدىنان وتكىزىپ قانا قويماي, قولىمەن جاساسا, ول ۇل مەن قىزدىڭ وي تەرەڭىندە, جۇرەك تۇكپىرىندە وشپەي جۇرەدى. بۇل ولاردىڭ ۇلتقا دەگەن سۇيىسپەنشىلىگىن, مەنىڭ قازاعىمدا دا وسىنداي جاقسى دۇنيەلەر بار دەگەن ماقتانىشىن وياتادى. سونىمەن بىرگە, بۇل ىزدەنىس كەزىندە وقۋشى جاساسام دەگەن دۇنيەسىنە قاجەتتى ماتەريالداردى تاڭداۋ, شىعارماشىلىق قابىلەتىن شىڭداپ, كەڭىستىككە قاراي كوركەمدىكپەن جاساۋعا, وعان ەستەتيكالىق تالعاممەن قاراۋعا, ءار جۇمىسىن جەتىلدىرىپ وتىرۋعا داعدىلانادى. ماسەلەن, تابيعي ماتەريالداردان ءتۇرلى بۇيىمداردىڭ سىزباسىن جاساپ, ونى كەيىن قۇراستىرۋ ءىسىن شەبەرلىكپەن شەشەدى. مۇنداي جاۋاپتى ىستە وقىتۋشى بىرىنشىدەن, تەحنيكالىق قاۋىپسىزدىكتى, ەكىنشىدەن, گيگيەنالىق تالاپتاردى قاتاڭ ساقتاۋى ءتيىس.
مەن وسىنداي جۇمىستى استانا قالاسىنداعى جامبىل اتىنداعى №4 مەكتەپ-گيمنازياسىندا ۇيىرمە رەتىندە باستاعان ەدىم. العاشىندا ون وقۋشى ىنتا بىلدىرسە, قازىر 150-گە جەتتى. وقۋشىلاردىڭ ۇلتتىق قولونەرگە دەگەن ىنتاسى بولەك. ءساندى قولدانبالى قولونەردىڭ ەڭ كونە جانە كەڭ تاراعان تۇرلەرىنەن توقىما توقۋ, ويۋ-ورنەكتەر ويۋ, ءتۇرلى كيىم ۇلگىلەرىن تىگۋ, ونىڭ العاشقى سىزبالارىن قاعازعا ءتۇسىرۋ جۇمىستارى قولعا الىنۋدا. قازىردىڭ وزىندە وقۋشىلار, ونىڭ اراسىندا ۇل بالالار دا بار, شاعىن كىلەمشەلەر, الاشالار توقۋدى مەڭگەردى. وقۋشىلارعا قاجەت تىگىن ماشينالارىن, ارنايى قۇرال-جابدىقتاردى, وزگە دە قاجەتتەردى تۇركيانىڭ ىنتىماقتاستىق جانە ۇيلەستىرۋ اگەنتتىگى بەرىپ, ۇلكەن قامقورلىق جاساۋدا. ال ۇلتقا قاجەت ىسكە قولداۋ كورسەتكەن مەكتەپ ديرەكتورى بازاركۇل سىزدىقوۆا ەكەنىن ايتا كەتۋدى پارىز سانايمىن.
«اتا ونەرى – بالاعا مۇرا», «اتا كورگەن وق جونار, شەشە كورگەن تون پىشەر» دەپ حالقىمىزدىڭ بۇكىل بولمىسىن كورسەتەتىن قولدانبالى سالت ۇلگىمىزدى اينالىسقا ەنگىزىپ, كۇنى ەرتەڭ قازىر كەيبىرەۋلەرى جادىگەرگە اينالىپ بارا جاتقاندا, كيىم ۇلگىلەرىن كۇندەلىكتى قولدانىسقا پايدالانساق, قازاق ەلى وسى ءبىر قۇندىلىعىمەن دە تورتكۇل دۇنيەنى تامساندىرارى انىق. ونى كوكتەمنىڭ جاسىل جەلەگىندەي قاۋلاپ ءوسىپ كەلە جاتقان ۇل مەن قىز مەكتەپ قابىرعاسىندا ۇيرەنىپ وسسە, ولار ەرتەڭ قاجەتتەرىنە جاراتىپ قانا قويمايدى, ۇرپاقتار ساباقتاستىعىنا اينالدىرادى. باسەكەلەستىك بەل العان بۇگىنگىدەي الماعايىپ زاماندا ۇلتتىق قولونەرىمىزبەن دە تانىلىپ, وسى كۇندەرى تاڭسىق بولعان ەجەلگى بۇيىمدارىمىزدى جاس ۇرپاقتىڭ قولىمەن جاڭعىرتساق جاقسى دۇنيەلەرىمىز, كادەگە تارتار سىيلارىمىز, كوزدىڭ جاۋىن الار زەرگەرلىك بۇيىمدارىمىز كوبەيە بەرەرى ءسوزسىز.
ءلاززات اتىباي,
جامبىل اتىنداعى №4 مەكتەپ-گيمنازيانىڭ باستاۋىش سىنىپ مۇعالىمى, قولونەر ۇيىرمەسىنىڭ جەتەكشىسى.
مەن وسىنداي جۇمىستى استانا قالاسىنداعى جامبىل اتىنداعى №4 مەكتەپ-گيمنازياسىندا ۇيىرمە رەتىندە باستاعان ەدىم. العاشىندا ون وقۋشى ىنتا بىلدىرسە, قازىر 150-گە جەتتى. وقۋشىلاردىڭ ۇلتتىق قولونەرگە دەگەن ىنتاسى بولەك. ءساندى قولدانبالى قولونەردىڭ ەڭ كونە جانە كەڭ تاراعان تۇرلەرىنەن توقىما توقۋ, ويۋ-ورنەكتەر ويۋ, ءتۇرلى كيىم ۇلگىلەرىن تىگۋ, ونىڭ العاشقى سىزبالارىن قاعازعا ءتۇسىرۋ جۇمىستارى قولعا الىنۋدا. قازىردىڭ وزىندە وقۋشىلار, ونىڭ اراسىندا ۇل بالالار دا بار, شاعىن كىلەمشەلەر, الاشالار توقۋدى مەڭگەردى. وقۋشىلارعا قاجەت تىگىن ماشينالارىن, ارنايى قۇرال-جابدىقتاردى, وزگە دە قاجەتتەردى تۇركيانىڭ ىنتىماقتاستىق جانە ۇيلەستىرۋ اگەنتتىگى بەرىپ, ۇلكەن قامقورلىق جاساۋدا. ال ۇلتقا قاجەت ىسكە قولداۋ كورسەتكەن مەكتەپ ديرەكتورى بازاركۇل سىزدىقوۆا ەكەنىن ايتا كەتۋدى پارىز سانايمىن.
«اتا ونەرى – بالاعا مۇرا», «اتا كورگەن وق جونار, شەشە كورگەن تون پىشەر» دەپ حالقىمىزدىڭ بۇكىل بولمىسىن كورسەتەتىن قولدانبالى سالت ۇلگىمىزدى اينالىسقا ەنگىزىپ, كۇنى ەرتەڭ قازىر كەيبىرەۋلەرى جادىگەرگە اينالىپ بارا جاتقاندا, كيىم ۇلگىلەرىن كۇندەلىكتى قولدانىسقا پايدالانساق, قازاق ەلى وسى ءبىر قۇندىلىعىمەن دە تورتكۇل دۇنيەنى تامساندىرارى انىق. ونى كوكتەمنىڭ جاسىل جەلەگىندەي قاۋلاپ ءوسىپ كەلە جاتقان ۇل مەن قىز مەكتەپ قابىرعاسىندا ۇيرەنىپ وسسە, ولار ەرتەڭ قاجەتتەرىنە جاراتىپ قانا قويمايدى, ۇرپاقتار ساباقتاستىعىنا اينالدىرادى. باسەكەلەستىك بەل العان بۇگىنگىدەي الماعايىپ زاماندا ۇلتتىق قولونەرىمىزبەن دە تانىلىپ, وسى كۇندەرى تاڭسىق بولعان ەجەلگى بۇيىمدارىمىزدى جاس ۇرپاقتىڭ قولىمەن جاڭعىرتساق جاقسى دۇنيەلەرىمىز, كادەگە تارتار سىيلارىمىز, كوزدىڭ جاۋىن الار زەرگەرلىك بۇيىمدارىمىز كوبەيە بەرەرى ءسوزسىز.
ءلاززات اتىباي,
جامبىل اتىنداعى №4 مەكتەپ-گيمنازيانىڭ باستاۋىش سىنىپ مۇعالىمى, قولونەر ۇيىرمەسىنىڭ جەتەكشىسى.
