فوتو: caravan.kz
وزدەرىڭىز بىلەتىندەي, بۇگىندە بىرىڭعاي جيناقتاۋشى زەينەتاقى قورىنان تولەنەتىن زەينەتاقى تولەمدەرى جەكە تابىس سالىعىمەن تولەم كوزىنەن سالىق سالىناتىن تابىستارعا جاتادى.
«ماسەلەنىڭ الەۋمەتتىك ماڭىزدىلىعىن, سونداي-اق شەگەرىمدەر مەن جەڭىلدىكتەر بويىنشا حالىقارالىق تاجىريبەنى ەسكەرە وتىرىپ, بىرىڭعاي زەينەتاقى قورىنان تولەنەتىن زەينەتاقى تولەمدەرىن جەكە تابىس سالىعىن تولەۋدەن بوساتۋ ۇسىنىلىپ وتىر», دەپ اتاپ ءوتتى ۇكىمەت باسشىسى ءوز جاۋابىندا.
ونىڭ ايتۋىنشا, سالىق سالۋدى جويۋ ەكى جاعدايدا قولدانىلمايدى:
- ازاماتتار قازاقستان رەسپۋبليكاسىنان تىس جەرلەرگە شىققان جاعدايدا;
- تولەمدەر مۇراگەرلىك جولمەن بەرىلسە.
جەكە تابىس سالىعى بويىنشا بيۋدجەت شىعىنىنىڭ كولەمى ۇكىمەتتىڭ باعالاۋى بويىنشا 4,1 ملرد تەڭگەنى قۇرايدى.
2023 جىلدىڭ قازان ايىندا ءماجىلىس دەپۋتاتى ازات پەرۋاشەۆ زەينەتاقى جيناقتارى مەن ينۆەستيتسيالىق كىرىستەرگە بجزق-عا سالىق سالىنباۋدى ۇسىندى, ويتكەنى بۇل قاراجات ەل ەكونوميكاسىنا جۇمىس ىستەيدى. كەيىنىرەك ول دەپۋتاتتاردىڭ بۇل باستامادان باس تارتقانىن ءتۇسىندىردى.
