ءىس-شاراعا عىلىم جانە جوعارى ءبىلىم ءمينيسترى ساياسات نۇربەك, وقۋ-اعارتۋ مينيسترلىگى ورتا ءبىلىم بەرۋ كوميتەتىنىڭ توراعاسى قانىبەك جۇماشەۆ, استانا قالاسى ءبىلىم باسقارماسىنىڭ باسشىسى قاسىمحان سەنعازىەۆ, اباي ۋنيۆەرسيتەتىنىڭ اكادەميالىق ماسەلەلەر دەپارتامەنتىنىڭ ديرەكتورى حايرۋللا جانبەكوۆ, سونىمەن قاتار مەكتەپ ديرەكتورلارى مەن ادىسكەرلەرى قاتىستى.
كونفەرەنتسيا بارىسىندا مينيستر ساياسات نۇربەك وندىرىستىك ءىس-تاجىريبەسىنىڭ جوعارى دەڭگەيدە ەكەنىن اتاپ ءوتىپ, ستۋدەنتتەرگە العىسىن ءبىلدىرىپ, «ەلوردانى جاڭا پەداگوگيكالىق كادرلارمەن قامتاماسىز ەتۋ جۇمىسىنىڭ العاشقى ناتيجەلەرىن كورۋ – ءبىلىم بەرۋدى دامىتۋداعى ماڭىزدى قادام. مەكتەپتەردەگى ستۋدەنتتەردىڭ پەداگوگيكالىق تاجىريبەسى سياقتى جوبالار مەكتەپتەردى جاڭا ماماندارمەن قامتاماسىز ەتىپ قانا قويمايدى, سونىمەن قاتار ستۋدەنتتەرگە بولاشاق مانساپ جولىندا قولدانا الاتىن قۇندى تاجىريبە بەرەدى. بۇل ەلىمىزدىڭ ءبىلىم بەرۋ سالاسىن دامىتۋداعى ءوزارا ءتيىمدى جانە ماڭىزدى كەزەڭ», دەپ اتاپ ءوتتى.
اباي ۋنيۆەرسيتەتى اتىنان ءسوز العان حايرۋللا جانبەكوۆ ستۋدەنتتەردىڭ وندىرىستىك تاجىريبە بارىسىنداعى جۇمىسىنا توقتالىپ, الداعى وقۋ جىلىندا دا ۋنيۆەرسيتەت استانا قالاسىمەن بىرلەسىپ جۇمىس ىستەيتىنىن جەتكىزدى.
اباي ۋنيۆەرسيتەتىنىڭ 4 كۋرس ستۋدەنتى التىن مەندىباەۆا وندىرىستىك ءىس-تاجىريبە بارىسىنا قاتىستى ويلارىمەن بولىسسە, كاسىبي ماماندار ستۋدەنتتەردىڭ مۇعالىمدىك مىندەتتىڭ قىر-سىرىنا قاتىستى قويعان سۇراقتارىنا جاۋاپ بەردى. ستۋدەنتتەردىڭ باسىم كوپشىلىگى ەلوردا مەكتەپتەرىندە جۇمىس ىستەۋگە نيەت ءبىلدىردى.
