قازاقستانداعى سۋ تاسقىنىنان زارداپ شەككەندەرگە جان-جاقتان كومەك كەلىپ جاتىر. بىراق مىناۋ كومەك شىنىندا ەرەكشە بولدى. موڭعولياداعى قازاق بالالارى وزدەرىنىڭ كۇندەلىكتى تاتتىگە دەگەن اقشالارىن قازاقستان حالقىنا دەپ جيناعان.
- ءوزىن عانا ويلاعان جاماندىقتىڭ بەلگىسى, وزگەنى دە ويلاعان ادامدىقتىڭ بەلگىسى.
ءبىر ءۇي اش بولسا, بۇكىل اۋىل اش. ءبىر اۋىل اش بولسا, بۇكىل ەل اش.
سىنىبىمىزدىڭ جانە دە مۇعالىمىمىزدىڭ اتىنان قازاقستاندىق دوستارىمىزعا 200 مىڭ تۇعرىق (موڭعوليا ۆاليۋتاسى) ۇسىنامىز, - دەيدى ۆيدەودا بالالار.
ءسوز سوڭىندا وقۋشىلار قازاق حالقىنىڭ ۇيىمشىلدىعىن ءسوز ەتىپ, بارشا موڭعوليا ازاماتتارىن قازاقستانعا كومەكتەسۋگە شاقىرادى.
