كونە اسپاپتىڭ شاناعى قارااعاشتان, كەيبىر بولىكتەرى توبىلعىدان جاسالعان. شاناعى ۇلكەن, بەتكى جاعى اشىق, تومەنگى جاعى كونتەرىمەن قاپتالعان, جوعارعى جاعىندا ورنەكتەلگەن تەمىر قاڭىلتىرى بار. ورتاسىندا كۇرەڭ قىزىل ءتۇستى ماتاسى, باسىندا ەكى سۇيەك جاپسىرماسى بار. شاناق پەن مويىننىڭ بىرىككەن تۇسىنا اقىق تاس قوندىرىلعان.
«نارقوبىز اتادان بالاعا وتباسىلىق مۇرا رەتىندە ساقتالىپ كەلگەن. قوبىزدىڭ يەسى – 1890 جىلى دۇنيەگە كەلگەن, نوعايتىلەۋ رۋىنان شىققان نۇرعالي كۇزەمباەۆ دەگەن كىسى. ول كىسىگە نارقوبىز اعاسىنان جەتكەن, ول كىسى وسى نارقوبىزدىڭ كومەگىمەن ادام ەمدەگەن. كونەدەن جەتكەن اسپاپتى 2004 جىلى مۋزەيگە نۇرعالي كۇزەمباەۆتىڭ كەلىنى, دەنيسوۆ اۋدانى شوقىباي كەنتىنىڭ تۇرعىنى جاڭىل كوشەروۆا اكەپ تاپسىردى», دەيدى مۋزەيدىڭ عىلىمي حاتشىسى ءنازيما وتاشەۆا.
قوستاناي وبلىسى
