قوستاناي اۋدانىندا ۇزىن ىرعاسى 2494 بالا وقيتىن 5 مەكتەپ سۋ باسىپ قالۋ قاۋپى بار جەرلەردە ورنالاسقان. بۇگىنگە دەيىن 543 بالا ەۆاكۋاتسيالانىپ, ولاردىڭ جارتىسىنان كوبى تۋىستارىنىڭ ۇيىنە ورنالاستىرىلدى.
قوستاناي اۋدانىنىڭ ەۆاكۋاتسيالىق پۋنكتتەرىندە 42 بالا جاتىر. ولاردىڭ 27-ءسى – مەكتەپ جاسىنداعى بالالار. ولار ەۆاكۋاتسيالىق پۋنكتتەر ورنالاسقان مەكتەپتەردىڭ كومپيۋتەرلەرىن پايدالانىپ قاشىقتان وقىپ جاتىر.
«بالالارى بار وتباسىلاردىڭ ءبارى ۋاقتىلى, سۋ كەلمەي تۇرىپ ەۆاكۋاتسيالاندى, بارلىق قاجەتتى كەرەك-جاراقتارى بار. جانگەلدين, امانگەلدى, قاراسۋ, اۋليەكول اۋداندارىنىڭ جانە رۋدنىي قالاسىنىڭ مەكتەپتەرىندە وقىپ جاتقان 968 بالا قاشىقتان ءبىلىم الۋدى جالعاستىرادى. جول قاتىناسىنىڭ قيىندىعىنا بايلانىستى مەكتەپ اۆتوبۋسىمەن وزگە اۋىلدارعا بارىپ وقيتىن بالالار دا بىرنەشە كۇنگە قاشىقتان وقىتۋ رەجىمىنە كوشىرىلەدى. بۇل تۋرالى وقۋشىلاردىڭ اتا-انالارىنا جەدەل حابارلانىپ جاتىر», دەپ مالىمدەدى وبلىستىق ءبىلىم باسقارماسىنىڭ ءباسپاسوز قىزمەتى.
قوستاناي وبلىسى
