قاراعاندى ​​وبلىسىنىڭ تۇرعىندارى جەكە پويىزبەن ەۆاكۋاتسيالانادى

قاراعاندى وبلىسىنىڭ اقسۋ-ايۋلى كەنتىندە اۋا رايىنىڭ ناشارلاۋى مەن قاردىڭ قارقىندى ەرۋى شەرۋباي-نۇرا وزەنىنىڭ شەكتەن تىس تولۋى سالدارىنان ەكاتەرينبۋرگ-الماتى تاسجولى ۋاقىتشا جابىلىپ قالدى. وسىعان بايلانىستى «جولاۋشىلار تاسىمالى» اق قاراعاندى وبلىسىنىڭ تۇرعىندارىن ەۆاكۋاتسيالاۋدى ۇيىمداستىرىپ جاتىر.

«حالىقتى تاسىمالداۋدى قامتاماسىز ەتۋ ءۇشىن تەگىن نەگىزدە جەكە لوكوموتيۆتى پايدالانا وتىرىپ, ءبىر رەيسكە جولاۋشىلار پويىزى تاعايىندالدى: - №8801/8802 «قاراعاندى-بالقاش-2» باعىتىندا پويىز قاراعاندىدان 30 ناۋرىز كۇنى ساعات 14:53-تە جونەلتىلدى. سونداي-اق كەلەسى 1 رەيسكە جولاۋشىلار پويىزدارىنا قوسىمشا ۆاگوندار تاعايىندالدى: «قاراعاندى-بالقاش-2» باعىتىنداعى №606 پويىز قاراعاندىدان 30 ناۋرىزدا ساعات 19:40-تا جونەلتىلىپ, 31 ناۋرىز كۇنى بالقاشقا ساعات 06:25-تە كەلدى; «بالقاش-2-قاراعاندى» باعىتىنداعى №605 پويىز 30 ناۋرىز كۇنى ساعات 22:50-دە بالقاشتان جونەلتىلىپ, 31 ناۋرىز كۇنى ساعات 8:20-دا قاراعاندىعا كەلدى», دەلىنگەن حابارلامادا.

قوسىمشا ۆاگونداردىڭ ارقاسىندا سۋ باسقان ايماقتاردان 1200-دەن استام تۇرعىندى تاسىمالداۋ مۇمكىن بولادى.