فوتو: halyq-uni.kz
«ەلىمىزدەگى سۋ تاسقىنى - تابيعاتتىڭ وزگەرۋىمەن تىكەلەي بايلانىستى. بۇل بىزدە عانا ەمەس, بۇكىل الەمدە بولىپ جاتقان قۇبىلىس. ماسەلەن, ساۋد ارابياسىندا بۇرىن-سوندى بولماعان بۇرشاق جاۋىپ, قار ءتۇستى. باسقا دا ەلدەردە سۋ تاسقىنى بولىپ, تابيعي كاتاكليزمدەر جيىلەپ جاتىر. بۇدان بولەك, ءار 11 جىلدا وزگەرىپ كەلەتىن «كۇن تسيكلى» بار. كۇننىڭ كۇرت جىلىنۋى مەن قۇرعاقشىلىققا اكەلەتىن اپتاپ ىستىق وسىمەن دە بايلانىستى», دەدى عالىم.
سونداي-اق ساراپشىنىڭ سوزىنشە وتكەن كۇزدە ەلىمىزدە جاڭبىر كوپ جاۋعاندىقتان توپىراقتاعى ىلعال ءسىڭىپ ۇلگەرمەگەن. ايتۋىنشا, ەلىمىزدىڭ وڭتۇستىگىندە جەردىڭ بەتى 1,5 مەترگە دەيىن, سولتۇستىكتە 2,5 مەترگە دەيىن قاتقان. سالدارىنان ەرىگەن قار سۋى جەرگە سىڭبەي, جەردىڭ بەتىمەن كەتىپ جاتىر.
