فوتو: inbusiness.kz
اتىراۋدا وتكەن ءۇشىنشى ۇلتتىق قۇرىلتايدا پرەزيدەنت قاسىم-جومارت توقاەۆ ەلتاڭبانى اۋىستىرۋعا بايلانىستى اشىق كونكۋرس جاريالاناتىنىن ايتقان ەدى. مەملەكەت باسشىسى بۇل شەشىمگە ونى كەڭەس زامانىنداعى گەربكە ۇقساتىپ جاتاتىنى تۇرتكى بولعانىن جەتكىزدى.
قارجى ءمينيسترى وسى مالىمدەمەدەن كەيىن ەلتاڭبانى اۋىستىرۋ شەشىمىن قارايتىن ارنايى كوميسسيا قۇرىلاتىنىن حابارلادى.
«ەلتاڭبانى اۋىستىرۋعا قاتىستى ماسەلە بەلگىلى ءبىر كەزەڭنەن بەرى تالقىلانىپ كەلە جاتقانىن جاقسى بىلەسىزدەر. پرەزيدەنت ۇلتتىق قۇرىلتايدا اتالعان ماسەلەنى تالقىلاۋدى ۇسىندى. مەملەكەت باسشىسى ەگەر قوعام بۇل ماسەلەگە جاپپاي قولداۋ بىلدىرسە, وندا ونى ودان ارى تالقىلاۋ قاجەتتىگىن ايتتى. ءول ۇشىن ارناۋلى كوميسسيا قۇرىلادى. كوميسسيا اتالعان ماسەلەنى تىڭعىلىقتى قاراستىراتىن بولادى. ەگەر بۇل ماسەلەگە قاتىستى وڭ شەشىم قابىلدانعان جاعدايدا, شىعىستارىنا قاتىستى قالعان جايتتار تۋىندايدى», دەدى مينيستر.
ءمادي تاكيەۆ ەلتاڭبانى اۋىستىرۋعا بولىنەتىن قارجى مولشەرى مەن قايدان الىناتىنى العاشقى ماسەلە شەشىلگەننەن كەيىن تالقىلاناتىنىن ايتتى.
