فوتو: adyrna.kz
مينيستر بۇل تۋرالى الەۋمەتتىك جەلىدەگى پاراقشاسىندا جازدى. ايدا بالاەۆانىڭ ايتۋىنشا, باعدارلاما ءوزىنىڭ باستاپقى ميسسياسىن ورىنداي الماعان, ال مەملەكەتتىك تەلەارنا مۇنداي ولقىلىققا جول بەرمەۋ كەرەك ەدى.
«وتباسىلىق قۇندىلىقتاردى ناسيحاتتاۋ, انا مەن بالانى قورعاۋ جونىندەگى قىزمەتتى ۇيلەستىرۋ, وتباسىلىق-تۇرمىستىق زورلىق-زومبىلىققا قارسى ءىس-قيمىلدى ناسيحاتتاۋ - مينيسترلىكتىڭ باستى مىندەتتەرىنىڭ ءبىرى.
ءوز كەزەگىندە, 11 ناۋرىزدان باستاپ «حابار» ارناسىندا وتباسىنداعى الەۋمەتتىك ماسەلەلەردى كوتەرىپ, ونى شەشۋگە باعىتتالعان «بىراق...» باعدارلاماسىنىڭ شىعارىلىمى ۇيىمداستىرىلدى. الايدا, تىكەلەي ەفيردە كورسەتىلگەن شىعارىلىمدا رەداكتسيا باعدارلامانىڭ دىتتەگەن ماقساتىنا جەتە الماي, كەيىپكەردى جاڭىلىستىرۋ ارقىلى قوعامدا ءتۇرلى پىكىرلەر تۋىنداتتى. مەملەكەتتىك يدەولوگيانى جۇرگىزىپ وتىرعان مەملەكەتتىك تەلەارنا بۇنداي ولقىلىققا جول بەرمەۋى ءتيىس ەدى. ەڭ الدىمەن, رەداكتسيا بارلىق ەتيكالىق نورمالاردى ساقتاپ, وتباسىلىق-تۇرمىستىق زورلىق-زومبىلىق پەن ارانداتۋشىلىققا جول بەرمەۋگە, كەيىپكەرلەردى كوپشىلىك الدىندا قورلاماۋ قاجەت ەدى. سوندىقتان تەلەارنا رەداكتسياسىنا بۇل ۇلكەن ساباق بولادى دەپ سانايمىز. اتالعان توك-شوۋ جابىلادى», دەدى مينيستر.
