فوتو: وكق
ۆەدومستۆو جانىنان سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ جانە يرريگاتسيا سالاسىنداعى كاسىپتىك بىلىكتىلىك جونىندەگى سالالىق كەڭەس قۇرىلعان. كەڭەستىڭ ەرەجەلەرى جانە كاسىپتىك ستاندارتتاردى وزەكتەندىرۋ جونىندەگى جۇمىس جوسپارى بەكىتىلگەن, ونىڭ نەگىزىندە سۋ سالاسى ماماندارىن دايارلاۋ جونىندەگى ءبىلىم بەرۋ باعدارلامالارى جاڭارتىلماق.
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆتىڭ ايتۋىنشا وڭىرلەردەگى ستۋدەنتتەر سۋ شارۋاشىلىعى ۇيىمدارىندا وندىرىستىك پراكتيكادان ءوتىپ, ودان ءارى جۇمىسقا ورنالاسۋى ءۇشىن جوو-لارمەن ىنتىماقتاستىق تۋرالى مەموراندۋمدار جاساۋ جوسپارلانىپ وتىر. سونىمەن قاتار بيىلدان باستاپ كەيبىر سۋ شارۋاشىلىعى قىزمەتكەرلەرىنىڭ جالاقىسى 25%-عا ءوستى. «مۇنداي ءىس-شارالار سۋ سالاسىنداعى ماماندىقتاردىڭ بەدەلىن ارتتىرىپ, ستۋدەنتتەردى ماگيستراتۋرا مەن دوكتورانتۋرادا وقۋىن جالعاستىرۋعا, ال سالاداعى مامانداردى بىلىكتىلىگىن ارتتىرۋعا, ونىڭ ىشىندە «بولاشاق» باعدارلاماسى بويىنشا دا ءبىلىمىن شىڭداۋعا ىنتالاندىرۋعا تيىس», دەدى مينيستر.
