باتىل شەشىمدەر قاجەت

ۇزاق جىل مەملەكەتتىك قىز­مەت­تە, قۇرىلىس, ەكونوميكا, قارجى, مەملەكەتتىك مەنشىك سالالارىندا قىزمەت اتقارعان مامان رەتىندە جاڭا ۇكىمەتتىڭ الدىنا قويعان مiندەتتەر­گە قاتىستى كوزقاراسىمدى بىلدىرگىم كەلەدى.

الدىمەن زاڭدارعا, اسىرەسە جەرگىلىك­تى اتقارۋشى ورگاندار ازىرلەگەن نورما­تيۆ­تىك قۇقىقتىق اكتىلەرگە تەكسەرىس جۇر­گىزۋ كەرەك. سەبەبى, باستى سىبايلاس جەم­قورلىق تاۋەكەلدەرى زاڭعا ساباقتاس اكتى­لەر – ەرەجەلەر, نۇسقاۋلار استارىندا جا­سىرىنىپ جاتاتىنى ەش­كىمگە جاسىرىن ەمەس. اقىرىندا جاپ-جاقسى زاڭعا وسىنداي قۇجاتتار نۇقسان كەلتىرىپ جاتادى. مىسالى, «قازاق­ستان رەسپۋبليكاسىنداعى ساۋلەت, قالا قۇ­رى­لىسى جانە قۇرىلىس قىزمەتى تۋرا­لى» زاڭدا تەحنيكالىق قاداعالاۋ قۇرى­لىس­تىڭ ساپاسىن, مەرزىمىن, قۇنىن, اياق­تال­عان جۇمىستاردى قابىلداۋدى جانە پاي­دالانۋعا بەرۋدى قوسا العاندا, جوبانى ىسكە اسىرۋدىڭ بارلىق كەزەڭىندە قۇ­رى­لىستى قاداعالاۋ ەكەنى كور­سەتىل­گەن. دەگەنمەن يندۋستريا جانە ينفرا­قۇ­رى­لىمدىق دامۋ ءمينيسترىنىڭ 2021 جىلعى 5 تامىزداعى №420 بۇي­رى­عىمەن اۆتورلىق قاداعالاۋدىڭ جاۋاپ­كەرشىلىك نورماسى الىنىپ تاستالعان. جالپى, بارلىق دەڭگەيدەگى نورماتيۆتىك قۇقىقتىق اكتىنى جاساۋ جانە قابىلداۋ جۇيەسىندە قاتاڭ باقىلاۋ مەن شەكتەۋلەر قاجەت. حالىق اراسىندا نارازىلىق پەن بيلىككە دەگەن سەنىمسىزدىكتى تۋدىراتىن دا وسى جايلار.

تاعى ءبىر ماسەلە – بيۋدجەتتىك جانە قارجىلىق ءتارتىپتى نىعايتۋ قاجەت. بارلىق جەردە, اسىرەسە وڭىرلەردە بيۋدجەت قاراجاتىنىڭ ءتيىمسىز جۇمسالۋى بايقالادى. وسىعان وراي بيۋدجەتتى قالىپتاستىرۋداعى تاسىلدەردى قايتا قاراعان ءجون. اتاپ ايتقاندا, وبلىس­تىق بيۋدجەتتەردى وبلىس اكىمدىكتەرى بەكىتكەنگە دەيىن ۇلتتىق ەكونوميكا مينيسترلىگى مەن قارجى مينيسترلىگى (قاجەت بولعان جاعدايدا وڭىرلەرگە شىعا وتىرىپ) قاراپ, كەيىننەن ءتيىستى مونيتورينگ جۇرگىزىلۋگە ءتيىس.

كەلەسى ءبىر ماڭىزدى ماسەلە – مونو قالالاردىڭ ەڭ تۇيتكىلدى الەۋمەتتىك ماسە­لەلەرىن شەشۋگە الەۋمەتتىك جاۋاپ­كەرشىلىك اياسىندا قالا قۇراۋشى كاسىپ­ورىنداردىڭ وبلىستار مەن قالالاردىڭ اكىمدىكتەرىنە بولەتىن قاراجاتىنىڭ جۇمسالۋى. كوبىنە-كوپ وبلىس اكىمدەرى مەن قالا قۇراۋشى كاسىپورىن باسشىلارى اراسىنداعى مەموراندۋمداردا ءوزارا جاۋاپكەرشىلىك بولا بەرمەيدى. سودان كەلىپ وبلىس اكىمدىكتەرى قاراجاتتى قالا قۇراۋشى كاسىپورىندار تىكەلەي ورنا­لاسقان ايماقتاردان باسقا وڭىرلەرگە باعىت­تايدى. سالدارىنان قالا قۇراۋ­شى كاسىپورىن جۇمىسشىلارىنىڭ الەۋ­مەتتىك ماسەلەلەرىن شەشۋ مۇمكىن بول­ماي وتىر. قاجەت بولعان جاعدايدا ماجى­لىسكە «قوعامدىق باقىلاۋ تۋرالى» زاڭعا قالا قۇرۋشى كاسىپورىندار مەن جەر­گىلىكتى اتقارۋشى ورگاندار اراسىن­داعى مەموراندۋمعا قاتىستى جەرگ­ى­لىكتى اتقارۋشى ورگانداردا قو­عام­دىق باقىلاۋدى جۇزەگە اسىرۋ قۇقى­عى تۋرالى وزگەرتۋ ەنگىزسە دە بولار ەدى.

قۇرىلىس جانە جوندەۋ سالاسىندا ءتيىستى مينيسترلىكتىڭ ءرولىن ارتتىرىپ, قۇ­رىلىس ىستەرى كوميتەتىنە قوسىمشا وكى­لەت­تىكتەر بەرۋ دۇرىس. قۇرىلىسقا دا, كۇر­دە­لى جوندەۋگە دە جوبانىڭ ساراپتاما­سىن جۇرگىزەتىن مەملەكەتتىك ساراپتاما مە­كە­مەسىن قۇرۋ قاجەت. قۇرىلىستى مەملە­كەت­تىك باقىلاۋ سالاسىن اۆتوماتتاندىرۋ بولىگىندە جاڭا تسيفرلىق تەحنولوگيالاردى ەنگىزۋ جانە جۇيەنى ءتيىستى مەملەكەتتىك اقپاراتتىق جۇيەلەرمەن ۇيلەستىرۋ كەرەك.

قازىرگى جاعدايدا وڭىرلەرمەن جۇمىس­تى جولعا قويىپ, قاتاڭ ءتارتىپ ورناتىپ, جەرگىلىكتى اتقارۋشى ورگان­داردىڭ كۇماندى شەشىمدەر قابىلداۋى قيىنعا سوعاتىن جۇيە قۇرۋ قاجەت. سونداي-اق ورتالىقتىڭ جەرگىلىكتى اتقارۋشى ورگان, قوعامدىق كەڭەس, «اmاnاt» پارتياسىنىڭ وتىنىشتەرىنە ورتالىقتىڭ جەدەل جاۋاپ بەرۋىن قامتاماسىز ەتۋ دە ماڭىزدى. ايتالىق پارتيانىڭ استانا قالاسى فيليالى جانىنداعى سىبايلاس جەمقورلىققا قارسى ءىس-قيمىل جونىندەگى كەڭەستىڭ جۇمىس توبى 2023 جىلدىڭ قازان ايىندا «استانا قالاسىنىڭ اكتيۆتەر جانە مەملەكەتتىك ساتىپ الۋ باسقارماسى» مم-نىڭ سىباي­لاس جەمقورلىققا قارسى ساياساتتى ىسكە اسىرۋ پارتيا­نىڭ باعدارلامالىق قۇجاتتارىنىڭ ورىندالۋىنا مونيتورينگ جۇرگىز­گەن كەزدە كوممۋنالدىق م ۇلىكتى ەسەپكە الۋ, باسقارۋ جانە مەملەكەت­تىك ساتىپ الۋ سالاسىندا 7 سىبايلاس جەمقورلىق تاۋەكەلى انىقتالدى. قالا اكىمدىگى مەن باسقارماعا بەرىلگەن ۇسىنىستاردى ورىنداۋ ماقساتىندا ۇلتتىق ەكونوميكا, قارجى, تسيفرلىق دامۋ, يننوۆاتسيالىق جانە اەروعارىش ونەركاسىبى, وقۋ-اعارتۋ جانە ادىلەت مينيسترلىكتەرىنە حات جولداندى.

بارلىق مەملەكەتتىك قىزمەتشى نەگىزگى ۇستانىم رەتىندە ادەپ كودەكسىن تۇتىن­عانى ءجون. مينيسترلەر كابينەتى اشىق جانە تىڭداي الاتىن بولۋى, ەڭ باستىسى, جۇك­تەلگەن مىندەتتەردى تەز ءارى جىلدام شەشە ءبىلۋى كەرەك. بۇل سونى, سەرپىندى تاسىل­دەردى قامتاماسىز ەتۋگە, جاڭا ەكونو­مي­كالىق باعىتتى جۇزەگە اسىرۋعا, زاڭسىز الىنعان جانە شىعارىلعان اكتيۆتەردى قايتارۋعا, جالپى العاندا جاڭا, ادىلەتتى قازاقستاندى قۇرۋعا ىقپال ەتەدى.

جاڭا پرەمەر-مينيستر جانە قايتا جاساقتالعان ۇكىمەت قۇرامى­ جۇكتەلگەن مىندەتتەردى ابىرويمەن اتقارادى دەپ سەنەمىز.

عالىم مۇقاشەۆ,

«اmاnاt» پارتياسى استانا فيليالى

سىبايلاس جەمقورلىققا قارسى ءىس-قيمىل جونىندەگى كەڭەس توراعاسىنىڭ ورىنباسارى