فوتو: sputnik.kz
مينيسترلىك وكىلدەرى مۇنداي قادامعا ماجبۇرلىكتەن بارىپ وتىرعانىن ايتتى. ويتكەنى ەلىمىزدە جۇرگىزىلگەن ەكولوگيالىق رەيد كەزىندە اۋانى لاستاۋشى ەسكى كولىكتەر كوپتەپ انىقتالادى. دەگەنمەن قۇزىرلى ورگاندار زاڭعا سايكەس كولىك يەلەرىنىڭ 80 پايىزىن ەسكەرتۋمەن شەكتەسە, قالعان 20 پايىزىنا انىقتالعان زاڭبۇزۋشىلىقتى ءبىر جىل ىشىندە قايتالاعانى ءۇشىن ءتيىستى شارا قولدانىپ جاتىر.
باس پروكۋراتۋرانىڭ قۇقىقتىق ستاتيستيكاسىنا جانە ارنايى ەسەپكە الۋ جونىندەگى كوميتەتتىڭ دەرەگى بويىنشا اكىمشىلىك كودەكستىڭ «شىعارىندىلاردا لاستاۋشى زاتتاردىڭ بولۋ نورماتيۆتەرىنەن اسىرا وتىرىپ, اۆتوموتوكولىك قۇرالدارى مەن باسقا دا جىلجىمالى قۇرالداردى پايدالانۋ» دەپ اتالاتىن 334-بابىنا سايكەس 2020 جىلى 7 849 اكىمشىلىك ءىس قوزعالعان, سونىڭ 6 570 جاعدايىندا ەسكەرتۋ جاسالدى; 2021 جىلى 26 600 اكىمشىلىك ءىس قوزعالىپ, 20 412 كولىك يەلەرى ەسكەرتۋمەن جىبەرىلدى; 2022 جىلى 26 643 اكىمشىلىك ءىس اشىلىپ, 21 751 جۇرگىزۋشىگە ەسكەرتۋ جاسالدى.
«قولدانىستاعى اكىمشىلىك جازا قاتايتىلادى. بۇزۋشىلىق تولىق جويىلعانعا دەيىن زياندى زات مولشەرى جوعارى كولىكتى پايدالانۋعا تىيىم سالىنادى. بۇل تىيىم بۇزۋشىلىق تىركەلە سالا بىردەن كۇشىنە ەنەدى. ايتپەسە, قولدانىستاعى رەداكتسيادا مەملەكەتتىك نومىرلەردى الىپ قويۋعا تەك قۇقىق بۇزۋشىلىق بىرنەشە رەت جاسالسا, ءبىر جىل ىشىندە قايتالانسا عانا رۇقسات ەتىلگەن. جاڭا تالاپتى قازاقستانداعى بارلىق جەكە تۇلعاعا, سونداي-اق مەنشىك نىسانىنا جانە قىزمەت تۇرىنە قاراماستان بارلىق زاڭدى تۇلعاعا قاتىستى ەنگىزۋ ۇسىنىلادى», دەپ ءتۇسىندىردى مينيسترلىك ساراپشىلارى.
ەندى جۇرگىزۋشىلەر بۇزىلعان كولىك تولىق جوندەلمەستەن ونى تىزگىندەي المايدى. قايتا قولدانۋ ءۇشىن كاتاليزاتور, فيلتر سىندى فاكتورلاردى قالپىنا كەلتىرىپ, تەحبايقاۋدان وتكىزۋ ماڭىزدى. ەگەر دە ەرەجەگە ءمان بەرمەي كولىك تىزگىنىنە وتىرسا, 1,4 ملن ايىپپۇل قاراستىرىلعان.
كەيىنگى ۋاقىتتا قوعام اراسىندا ەسكى كولىكتەردىڭ سانى ازايىپ جاتىر. ستاتيستيكالار مەن سالىستىرمالى ناتيجەلەر ەسكى كولىكتەردىڭ بولاشاعىن جويدى. ارنايى زاڭ جوباسى ارقىلى ۇكىمەت اۆتوكولىكتەن ەكولوگياعا كەلەتىن قاۋىپتىڭ الدىن الماق.
ديدار اسىلحان,
ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ 2-كۋرس ستۋدەنتى
