فوتو: kazakhfilmstudios.kz
ول 1914 جىلى 15 اقپاندا پاۆلودار وبلىسىندا دۇنيەگە كەلگەن. سەمەي مۇعالىمدەر تەحنيكۋمىندا وقىپ جۇرگەندە, الماتىداعى قازاق دراما تەاترىنا شاقىرىلىپ, 1933 جىلدىڭ ماۋسىم ايىندا تەاترعا جۇمىسقا قابىلدانادى.
ش.ايمانوۆ العاشىندا گراموفونوۆ (ك.پوگودين «مەنىڭ دوسىم»), قودار, الدار كوسە (ش.قۇسايىنوۆ «الدار كوسە»), يساتاي (I.جانسۇگىروۆ «يساتاي - ماحامبەت»), كاسسيو (ۋ.شەكسپير «وتەللو») رولدەرىن وينادى. كوپ ۇزاماي تيحون, ۆەليكانوۆ (ا.وستروۆسكي «تالانتتار مەن تابىنۋشىلار», «نايزاعاي»), شادرين (ك.پوگودين «مىلتىقشى ادام»), كيدد (ب.لاۆرەنوۆ «امەريكا داۋىسى»), برەتت (دج.گوۋ, ا.ديۋسسون «تەرەڭ تامىرلار»), حلەستاكوۆ (ن.گوگول «رەۆيزور»), كازانتسەۆ (م.اۋەزوۆ «تۇنگى سارىن») سياقتى كلاسسيكالىق رولدەردى سومدادى.
1953 جىلى تەاتردان كينوعا اۋىسادى. ءوز ماماندىعىنىڭ حاس شەبەرى رەتىندە شاكەن ايمانوۆ ءوز كەيىپكەرلەرىن سومداعاندا كوزتارتار ءىس-قيمىلدار جاساۋمەن قاتار, ونىڭ ىشكى دۇنيەسىن اشۋعا تىرىساتىن. رەجيسسەرلىك قىزمەتى بارىسىندا ايمانوۆ كينوفيلم مازمۇنىن جان-جاقتى اشىپ, وي تولعامدارمەن قىزىقتىرىپ, كوركەمدىك جاعىنان سۋرەتتەگەن. دارىندى اكتەر, شەبەر رەجيسسەر قازاق كينوسىنىڭ نەگىزىن قالاۋشىلاردىڭ ءبىرى بولىپ, قازاق ونەرىنىڭ جاندانىپ, دامۋىنا ۇلكەن ۇلەس قوستى.
ش.ايمانوۆ قازاقستان كينەماتوگرافيستەر وداعىن ۇيىمداستىرۋعا قاتىسىپ, 1958-70 جىلدارى وداق باسقارماسىنىڭ 1-حاتشىسى قىزمەتىن اتقاردى. 1972 جىلى الماتى قالاسىنىڭ كوشەسى جانە 1984 جىلى «قازاقفيلم» ستۋدياسى ايمانوۆ ەسىمىمەن اتالادى. ول تۇرعان ءۇي مەن كينوستۋديا عيماراتىنا مەموريالدىق تاقتا ورناتىلدى.
شاكەن ايمانوۆتىڭ «دالا قىزى» (ك. گاككەلمەن بىرگە), «ماحاببات تۋرالى اڭىز» (ك. گاككەلمەن بىرگە), ء«بىز وسىندا تۇرامىز» (م. ۆولودارسكيمەن بىرگە), ء«بىزدىڭ سۇيىكتى دارىگەر», ء«بىر اۋداندا», ء«ان شاقىرادى», «جول تورابى», «الدار كوسە», «اتامەكەن», «تاقيالى پەرىشتە», «اتاماننىڭ اقىرى» سىندى فيلمدەرى بار.
