توپ توراعاسى سەرىك شايداروۆ مەملەكەت باسشىسى ۇكىمەتتىڭ جاقىندا وتكەن كەڭەيتىلگەن وتىرىسىندا اگروونەركاسىپ كەشەنىن دامىتۋدىڭ ماڭىزدىلىعىن اتاپ ءوتىپ, نازار اۋدارىلۋعا ءتيىس بىرقاتار پروبلەمالاردى قاراستىرعاندارىن جەتكىزدى.
«پرەزيدەنت اۋىل شارۋاشىلىعىنداعى ەڭبەك ونىمدىلىگىن ارتتىرۋ, وتاندىق تاۋار ءوندىرۋشىنى قورعاۋ, ونىڭ ىشىندە ەكسپورت پەن يمپورتتى رەتتەۋ, مەملەكەتتىك قولداۋدىڭ تيىمدىلىگىن قامتاماسىز ەتۋ, اۋىل شارۋاشىلىعى تەحنيكاسىن جاڭارتۋ جانە ت.ب. ماسەلەلەردى شەشۋ مىندەتىن العا قويعان بولاتىن. وسى پروبلەمالاردى شەشۋ ىشكى نارىقتى ازىق-ت ۇلىكپەن قانىقتىرۋ ەسەبىنەن ەكسپورتتىق الەۋەتتى ارتتىرۋعا جانە ازىق-ت ۇلىك قاۋىپسىزدىگىن قامتاماسىز ەتۋگە مۇمكىندىك بەرەدى», دەدى سەناتور.
دەپۋتات ەرنۇر ايتكەنوۆ حالىقارالىق ارەناداعى تۇراقسىز جاعداي, ازىق-ت ۇلىك تاپشىلىعى پروبلەمالارى ەكونوميكانىڭ دامۋ قارقىنىنا جانە حالىقتىڭ ءال-اۋقاتىنا كەرى اسەرىن تيگىزەتىنىن اتاپ ءوتتى.
«ەلىمىز يمپورت ونىمگە تاۋەلدى بولىپ وتىر, بۇل ازىق-ت ۇلىك قاۋىپسىزدىگىنە عانا ەمەس, ەكونوميكالىق قاۋىپسىزدىككە دە ناقتى قاۋىپ توندىرەدى. ءتيىمدى ازىق-ت ۇلىك قاۋىپسىزدىگىنىڭ نەگىزگى شارتى اۋىل شارۋاشىلىعىنىڭ تۇراقتى دامۋىن قامتاماسىز ەتۋ بولىپ تابىلاتىنى بەلگىلى. وسى فاكتورلاردىڭ بارلىعى اگروونەركاسىپ كەشەنىن رەفورمالاۋدى جانە ازىق-ت ۇلىكپەن قامتاماسىز ەتۋدىڭ ۇلتتىق دەڭگەيدەگى جاڭا تەتىكتەرىن ازىرلەۋدى تالاپ ەتەدى», دەدى دەپۋتات.
دەپۋتاتتار وتىرىس بارىسىندا ساۋدا جانە ينتەگراتسيا, اۋىل شارۋاشىلىعى, ۇلتتىق ەكونوميكا مينيسترلىكتەرى, وبلىس اكىمدىگى وكىلدەرىنىڭ, سونداي-اق قوعامدىق ۇيىمدار مەن شارۋا قوجالىقتارى وكىلدەرىنىڭ باياندامالارىن تىڭدادى.
سەناتور سەرىك شايداروۆ كەزدەسۋدى قورىتىندىلاي كەلىپ, وتىرىس بارىسىندا ايتىلعان ۇسىنىستار زەردەلەنەتىنىن جانە سەناتورلاردىڭ زاڭ شىعارۋ قىزمەتى بارىسىندا پايدالانىلاتىنىن اتاپ ءوتتى.
