فوتو: kisi.kz
ءبىرىنشى مىندەتتەردىڭ قاتارىندا توزىعى جەتكەن نىساندارعا كۇردەلى جوندەۋ جۇمىستارىن جۇرگىزۋ تۇر. ەنەرگەتيكا مينيسترلىگىنىڭ دەرەكتەرى بويىنشا, رەسپۋبليكادا ورتاشا توزۋ كورسەتكىشى 66%-دى قۇرايدى, كەيبىر نىسانداردا 90%-عا جەتەدى. سونىمەن قاتار ەكونوميكانىڭ ءوسۋى جانە جاڭا وندىرىستەردىڭ ىسكە قوسىلۋى بارىسىندا ەلەكتر ەنەرگياسىنىڭ تاپشىلىعى ماسەلەلەرىن شەشۋ ءۇشىن جاڭا ءوندىرۋشى قۋاتتاردىڭ ساپاسى مەن مەرزىمىنە مۇقيات نازار اۋدارۋ قاجەت.
مەملەكەت باسشىسى تاريفتەردىڭ وسۋىنە بايلانىستى تۇتىنۋشىلاردى اتاۋلى سۋبسيديالاۋ قۇرالدارىن ەنگىزۋ قاجەتتىگىن اتاپ ءوتتى. بۇل تۇرعىدا حالىق الدىندا جىلۋ مەن ەلەكتر ەنەرگياسىن ۇنەمدەپ پايدالانۋ تەزيسى وزەكتى.
ۇكىمەت تۇرعىن ءۇي جانە ونەركاسىپ سەكتورلارىندا ەنەرگيانى ۇنەمدەۋدى جانە ونىڭ تيىمدىلىگىن ارتتىرۋ جونىندەگى ءىس-شارالار كەشەنىن ازىرلەۋگە ءارى قابىلداۋعا باسا نازار اۋدارۋعا ءتيىس.
مۇنداي ءىس-شارالار جوسپارى قۇرىلىس نورمالارى مەن ەرەجەلەرىن باقىلاۋ, جىلۋ ەنەرگياسىن بوساتۋدى ەسەپكە الۋ, كوممۋنالدىق قىزمەتتەردى ۇسىنۋ, جىلۋ تولەمدەرىن 20% نەمەسە ودان دا كوپ تومەندەتۋگە مۇمكىندىك بەرەتىن تىكەلەي ارەكەت ەتەتىن اۆتوماتتى تەرموستاتتاردى ورناتۋ ماسەلەلەرىن قامتۋى مۇمكىن. بۇل ءتاسىل رەسۋرستاردى سانالى ءارى ۇنەمدى تۇتىنۋعا ىقپال ەتەدى.
سونىمەن بىرگە ينفراقۇرىلىمنىڭ جاي-كۇيىن تولىق باعدارلاۋ ءۇشىن جىلۋمەن جابدىقتاۋ جۇيەلەرىنە تولىققاندى تەحنيكالىق اۋديت جۇرگىزۋ جانە وسى سالانىڭ بارلىق ۇدەرىستەرىن ودان ءارى تسيفرلاندىرۋ قاجەت. بۇل شارالاردى ەنەرگەتيكالىق وبەكتىلەر مەن تكش وبەكتىلەرى قىزمەتىنىڭ اشىقتىعىن قامتاماسىز ەتەدى. وعان قوسا حالىق ءۇشىن رەسۋرستار كولەمىنىڭ قاجەتتىلىك دەڭگەيىن ايقىنداۋعا ىقپال ەتەتىن مونيتورينگ جۇيەسىن قۇرۋعا سەپ بولادى.
باۋىرجان ومىرزاقوۆ,
پرەزيدەنت جانىنداعى قسزي جاھاندىق ەكونوميكا جانە تۇراقتى دامۋ ءبولىمىنىڭ باس ساراپشىسى
