ء«اربىر فيناليستكە سەرتيفيكات تابىستالىپ, جەڭىمپازدار كۋبوك پەن كاسىبي دامۋلارى ءۇشىن قارجىلاي گرانتقا يە بولدى. «Study UK Alumni Award» جەڭىمپازدارى مەن فيناليستەرى – قوعامعا, يندۋسترياعا, جالپى ەلدىڭ دامۋىنا وڭ ۇلەسىن قوسۋ ءۇشىن ۇلىبريتانيا ۋنيۆەرسيتەتىندە العان ءبىلىمى مەن تاجىريبەسىن ءتيىمدى پايدالانعان ءوز سالاسىنىڭ كوشباسشىلارى. بۇل بەدەلدى سىياقى ۇلىبريتانيانىڭ جوعارى ءبىلىمىنىڭ قۇندىلىعى مەن تۇلەكتەردىڭ مانساپتىق جانە جەكە دامۋلارىنا ىقپالىن بايقاتادى, سونداي-اق, بريتاندىق تۇلەكتەر مەن وقىعان ۋنيۆەرسيتەتتەرىنىڭ حالىقارالىق بەدەلىن ارتتىرادى. سىياقىنى بريتان كەڭەسى توعىز جىل قاتارىنان دۇنيە جۇزىندەگى ۇلىبريتانيانىڭ حالىقارالىق تۇلەكتەرىنە جوعارى جەتىستىكتەرى ءۇشىن تابىستاپ كەلەدى. ال قازاقستاندا بۇل بايقاۋ بيىل ءتورتىنشى رەت ۇيىمداستىرىلىپ وتىر», دەدى بريتان كەڭەسىنىڭ كوممۋنيكاتسيا بويىنشا كەڭەسشىسى شىنار شاكەنوۆا.
بيىل اتالعان بايقاۋعا 43 ۇمىتكەر قاتىسىپ, 12 فيناليست تاڭداپ الىنعان, ونىڭ ىشىندە ءتورت سانات بويىنشا ءتورت جەڭىمپاز انىقتالدى. ايتا كەتەيىك, «Culture and Creativity» اتالىمىمەن فيناليستەر اراسىندا «Egemen Qazaqstan» گازەتىنىڭ «ساياسات جانە قۇقىق» ءبولىمىنىڭ اعا ءتىلشىسى گۇلنار جولجان دا بار. ول 2017 جىلى ۇلىبريتانيانىڭ Newcastle ۋنيۆەرسيتەتىندە «بولاشاق» باعدارلاماسىمەن ءبىلىم الدى.
ال «Social Action» اتالىمىنىڭ جەڭىمپازى حاليدا اجىعۇلوۆا «بولاشاق» باعدارلاماسىمەن 2019 جىلى ۇلىبريتانيانىڭ Leicester ۋنيۆەرسيتەتىنىڭ دوكتورانتۋراسىندا ءبىلىم الىپ, زاڭ دوكتورى دارەجەسىن يەلەنگەن. حاليدا – ادام قۇقىقتارى جونىندەگى زاڭگەر, الماتى قالاسىنىڭ بالا قۇقىقتارى جونىندەگى ۋاكىل جانە شىعىس ەۋروپا مەن ورتالىق ازياداعى سەكسۋالدىق قاناۋشىلىق پەن زورلىق-زومبىلىقتىڭ الدىن الۋ بويىنشا حالىقارالىق كەڭەسشى. حاليدانىڭ قوعامدىق جۇمىسى بالالاردى قورلاۋعا تىيىم سالاتىن جانە بارلىق قازاقستاندىق مەكتەپتەردە زورلىق-زومبىلىققا قارسى ىشكى ساياساتتى جۇرگىزۋگە مىندەتتەيتىن زاڭنامانى قابىلداۋعا نەگىز بولدى. قازىر ول قازاقستانداعى بالالاردىڭ ءال-اۋقاتى مەن قورعالۋى تۋرالى ءتيىمدى زاڭداردى قابىلداۋ ءۇشىن زەرتتەۋ جانە اقپاراتتىق-ناسيحاتتاۋ جۇمىستارىن جۇرگىزىپ ءجۇر.
«قازاقستانداعى «Study UK Alumni Awards» سىيلىعىنىڭ جەڭىمپازدارىن شىن جۇرەكتەن قۇتتىقتايمىن! ۇلىبريتانيا ۋنيۆەرسيتەتتەرىن تامامداعان قازاقستاندىق تۇلەكتەرىمىز بريتان ءبىلىمىنىڭ وزىقتىعىن كورسەتىپ, ەكى ەل اراسىنداعى بايلانىستى بۇرىنعىدان دا نىعايتىپ جاتىر. ەڭ باستىسى, ءبىزدىڭ تۇلەكتەردى قازاقستاندى يننوۆاتسيالار مەن وزگەرىستەرگە جەتەلەيتىن تۇلعالار, ءوز سالالارىنىڭ ناعىز ساراپشىلارى جانە ويشىل كوشباسشىلارى دەۋگە بولادى. مەن وسىنداي تاماشا جاستاردىڭ قازاقستاننىڭ بولاشاعىن قۇرۋدا ۇلىبريتانيانىڭ ءبىلىمى مەن وزىق تاجىريبەسىن اكەلىپ جاتقانىن ماقتان تۇتامىن», دەدى ۇلىبريتانيانىڭ قازاقستانداعى ەلشىسى كەتي ليچ.
قازاقستانداعى بريتان كەڭەسىنىڭ ديرەكتورى روبەرت تەيلوردىڭ ايتۋىنشا, بريتان كەڭەسى ءبىلىم بەرۋدە جۇمىسى ءبىلىم بەرۋ مەن داعدىلاردى دامىتۋدى كەڭەيتۋگە, ۇلىبريتانيانىڭ تاجىريبەسى مەن يننوۆاتسياسىن الەممەن بولىسۋگە جانە بىرلەسكەن جوبالاردى ىسكە اسىرۋ ءۇشىن سەرىكتەستەردى بىرىكتىرۋگە باعىتتالعان.
«بيىل بريتان كەڭەسى حالىقارالىق قىزمەتىنىڭ 90 جىلدىعىن, سونداي-اق, قازاقستانداعى ۇزاقمەرزىمدى ديپلوماتيالىق قاتىناسىنىڭ 30 جىلدىعىن اتاپ وتەدى. بايقاۋ جەڭىمپازدارى ۇلىبريتانياداعى ءبىلىم بەرۋ تاجىريبەسىن ۇلكەن جەتىستىكتەرگە جەتۋ ءۇشىن ءتيىمدى قولدانا بىلگەن دارىندى تۇلەكتەردىڭ وكىلدەرى», دەپ اتاپ ءوتتى ول.
