سۋرەتتى تۇسىرگەن – ەرلان ومار, «EQ»
ەلىمىزدىڭ الەۋمەتتىك-ەكونوميكالىق دامۋى جولىندا بۇگىنگى كۇنى كەزەك كۇتتىرمەي شەشىمىن تابۋعا ءتيىس ماسەلەلەردىڭ ءبىرى – اۋىل شارۋاشىلىعى سالاسى. كەڭەيتىلگەن وتىرىستا مەملەكەت باسشىسى اۋىلشارۋاشىلىق ونىمدەرىن وندىرۋمەن اينالىساتىن فەرمەرلەردىڭ تالاپ-تىلەكتەرىن ورىنداۋ, ولارعا بايلانىستى قارجى ماسەلەسىن تۇبەگەيلى شەشۋ, مەملەكەتتەن بولىنەتىن سۋبسيديالاردى رەتتەۋ جانە شارۋالارعا تولىق جەتكىزۋ, اگروسالاعا ينۆەستورلاردى كوپتەپ تارتۋ ماسەلەلەرىن اتاپ ءوتتى.
مەملەكەت باسشىسى اگروكەشەننىڭ دامۋىنا تەك مەملەكەتتىك بيۋدجەت قاراجاتى ەمەس وزگە دە قارجى كوزدەرىن تابۋ, سونىمەن قاتار ەكىنشى دەڭگەيدەگى بانكتەر ارقىلى دا جۇمىستار جۇرگىزۋ كەرەكتىگىنە نازار اۋداردى. كوكتەمگى ەگىس جۇمىستارى مەن كۇزگى ءداندى داقىلدار مەن كوكونىستەردى جيناۋ جۇمىستارىنا بەرىلەتىن جەڭىلدەتىلگەن نەسيەنى 1,5 ترلن تەڭگەگە دەيىن جەتكىزۋ قاجەت, ال ينۆەستيتسيالىق جوبالاردى 800 ملرد تەنگەدەن اسىرۋ كەرەكتىگىن باسا ايتتى.
سول سياقتى اۋىلشارۋاشىلىق تەحنيكالارىن جەتىلدىرۋ مەن دامىتۋعا جەڭىلدەتىلگەن ليزينگتى جىل سايىن 450 ملرد تەڭگەگە دەيىن كوتەرۋ كەزەك كۇتتىرمەس ماسەلە ەكەنى دە ۇكىمەت الدىنا شىعارىلدى.
ەربولات ساۋرىقوۆ,
ءماجىلىس دەپۋتاتى
