ايتا كەتسەك, سالىق جانە بيۋدجەت سالاسىن رەفورمالاۋ, ينۆەستيتسياعا قولايلى جاعداي جاساۋ, ەكونوميكانى كەشەندى تۇردە ىرىقتاندىرۋ, ءوندىرىستى جانە اگروونەركاسىپ كەشەنىن دامىتۋ, كوممۋنالدىق-ەنەرگەتيكا, كولىك-لوگيستيكا, مەملەكەتتىك ساتىپ الۋ, قۇرىلىس, ەكونوميكانى تسيفرلاندىرۋ جانە جاساندى ينتەللەكت تەحنولوگياسىن كەڭىنەن پايدالانۋ. كوتەرىلگەن ماسەلەلەردى شەشۋ ءۇشىن ەكونوميكانى ىرىقتاندىرۋ تۋرالى جارلىق دايىنداۋدى, ۇلتتىق ينفراقۇرىلىم قۇجاتىن قايتا قاراۋدى, قالا قۇرىلىسى تۋرالى كودەكس جوباسىن جەتىلدىرۋ, سالىق كودەكسىن ازىرلەۋ سياقتى جانە تاعى باسقا دا كوپتەگەن تاپسىرما ايتىلىپ, ناقتى جولدارى, باعىت-باعدارى كورسەتىلدى. قويىلعان مىندەتتەردى ورىنداۋ ءۇشىن ۇكىمەتكە دە, اكىمدىكتەرگە دە ءتيىستى قۇزىرەتتەر بەرىلگەن.
پرەزيدەنت ەندىگى كەزەكتە بيۋروكراتيانى توقتاتىپ, جۇمىس ىستەۋ ءتاسىلىن تۇبەگەيلى وزگەرتىپ, جۇيەلى ۇستانىم مەن جەدەل شەشىمدەر قابىلداۋ كەرەكتىگىن اتاپ ءوتتى. ەكونوميكامىزدى ءارتاراپتاندىرىپ, وتاندىق كاسىپكەرلەرىمىزگە جانە ينۆەستورلارعا جاعداي جاساپ, بىرلەسىپ, تىعىز بايلانىستا جۇمىس ىستەۋ قاجەت. سوندا عانا ەل ەكونوميكاسى دامىپ, كوتەرىلگەن ماسەلەلەر ءوز شەشىمىن تاباتىنىنا سەنىمدىمىن.
امانگەلدى تولاميسوۆ,
سەنات دەپۋتاتى
