«نەگىزگى ماسەلە – قاجەتتى قارجىنىڭ جەتكىلىكسىز ءبولىنۋى. سونداي-اق ينۆەستيتسيا تاپشىلىعى بار, بۇل تەحنيكانىڭ توزۋىنا, ەگىننىڭ جوعالۋىنا جانە ءونىمنىڭ تاپشىلىعىنا اكەلەدى. سوندىقتان اۋىل شارۋاشىلىعىنا بولىنەتىن قاراجات ەكى ەسە ۇلعايتىلۋعا ءتيىس. كوكتەمگى دالالىق جانە كۇزگى جۇمىستارعا, سونداي-اق ينۆەستيتسيالانعان جوبالارعا جانە ليزينگ بەرۋگە كرەديتتەردى ۇلعايتۋ قاجەت. ەسەپتەۋلەرگە سايكەس, بۇل شارالار اۋىل شارۋاشىلىعىنىڭ جالپى ءونىمىنىڭ كولەمىن ەكى ەسە ارتتىرۋعا ىقپال ەتەدى», دەدى پرەزيدەنت.
ءوڭىردىڭ دامۋ بولاشاعى جالپى مەملەكەتىمىزدىڭ وركەندەۋى مەن قاۋىپسىزدىگىنە زور ىقپال ەتەدى. بۇل باعىتتا سەنات دەپۋتاتتارى اۋقىمدى جۇمىس اتقارىپ كەلەدى.
الماتى مەن جەتىسۋ وڭىرلەرىنىڭ سۋ جۇيەسى ماسەلەسىمەن ۇكىمەتكە بىرقاتار دەپۋتاتتىق ساۋال دا جولداندى. ناقتى ايتاتىن بولساق, الماتى مەن جەتىسۋ وبلىستارىندا سۋ قويماسىن سالۋ قاجەت. بالقاش اۋدانىنداعى «تاسمۇرىن» ماگيسترالدىك كانالىنىڭ بويىن شوگىندىلەر مەن سۋ وسىمدىكتەرىنەن, بۇتالاردان تازارتۋ كەرەك. بۇل ەگىستىكتى قاجەتتى تىرشىلىك نارىمەن قامتاماسىز ەتۋگە مۇمكىندىك بەرەدى, باستىسى, ازىق-ت ۇلىك قاۋىپسىزدىگىن نىعايتۋعا جول اشادى.
پرەزيدەنت وتكەن جىلى جامبىل وبلىسىنىڭ فەرمەرلەرى سۋ تاپشىلىعىنان قاتتى زارداپ شەككەنىن, بيىل دا قۇرعاقشىلىق بولۋى مۇمكىن ەكەنىن ەسكەرتتى. تۇركىستان جانە قىزىلوردا وبلىستارىندا سۋ تاپشىلىعى ەرەكشە جوعارى ەكەنىن دە ەسكەردى. سەناتتىڭ نەگىزگى ءىس-شارالار جوسپارىنا سايكەس, اگرالىق ماسەلەلەر, تابيعاتتى پايدالانۋ جانە اۋىلدىق ايماقتاردى دامىتۋ كوميتەتى اقپان ايىنا «سۋ رەسۋرستارى: تۇراقتى سۋمەن قامتاماسىز ەتۋدىڭ پروبلەمالارى مەن پەرسپەكتيۆالارى» تاقىرىبىندا قىزىلوردا وبلىسىندا كوشپەلى وتىرىس وتكىزەدى. ءىس-شارادا وڭىردەگى سۋ, سۋارمالى جەرلەردىڭ جاي-كۇيى, سۋارۋ جۇيەلەرىن قالپىنا كەلتىرۋ جانە قايتا جاڭعىرتۋ ماسەلەلەرىن ۇكىمەت ازىرلەگەن جاڭا سۋ كودەكسى جوباسى اياسىندا تالداۋ جوسپارلانىپ وتىر.
سۋ رەسۋرستارىنا سۇرانىستىڭ ءوسۋى باسقارۋ مەن پايدالانۋ شارالارىنىڭ تيىمسىزدىگىنەن تۋىنداپ وتىر, سۋدى ورتاق باسقارۋ تاجىريبەسىن ۇسىنۋ قاجەت. بۇل تاراپتاردىڭ مۇددەلەرىن ەسكەرۋگە مۇمكىندىك بەرەدى جانە باسسەيننىڭ بارلىق پارامەترى بويىنشا پايدا مەن تاۋەكەلدەردى ءبولىسۋدى قامتيدى. پرەزيدەنت ايتىپ وتكەندەي, مەملەكەتتىك قولداۋدىڭ بارلىق شاراسىن ء«بىر تەرەزە» قاعيداتى بويىنشا ۇسىنۋ قاجەت, سالالىق قارجى ينستيتۋتتارىنىڭ قىزمەتتەرىن بىرىكتىرگەن ءجون.
سونداي-اق ۇكىمەت وتىرىسىندا ايتىلعان اگرارلىق-كرەديتتىك كورپوراتسيانىڭ الەۋەتىن كۇشەيتۋ جانە وعان اۋىل شارۋاشىلىعىن سۋبسيديالاۋ جونىندەگى اكىمدىكتەردىڭ فۋنكتسيالارىن بەرۋ قاجەتتىگى – ورىندى يدەيا. ول ءۇشىن ءبىر تسيفرلىق پلاتفورما اياسىندا اوك سۋبەكتىلەرىن جەڭىلدەتىلگەن كرەديتتەۋ جانە سۋبسيديالاۋ قىزمەتتەرىن بىرىكتىرۋ قاجەت.
ۇلتتىق مۇددەلەردى قورعاۋ وسى باعىتتا جۇرگىزىلۋى كەرەك. ەڭ الدىمەن, مەملەكەتكە ءتيىمدى ماسەلەلەردى شەشۋىمىز قاجەت. سوندىقتان سۋ ماسەلەسىن ورتالىق ازيا مەملەكەتتەرى اراسىندا باسىم باعىت رەتىندە كوتەرەتىن ۋاقىت كەلدى. سونىمەن قاتار ورتالىق ازيادا گيدرولوگيا جانە ونىڭ مونيتورينگى تولىق زەرتتەلمەگەن, سونىمەن قوسا عىلىمي زەرتتەۋلەر, الەۋمەتتىك ساۋالنامالار جۇرگىزىلمەگەن. بۇل شەشىمىن بىرلەسىپ تاباتىن ماسەلەگە اينالدى.
جانبولات جورگەنباەۆ,
سەنات دەپۋتاتى
