«بۇگىندە بۇكىل الەم مەملەكەتتەردىڭ الداعى ۇزاق جىلعا دامۋ ۆەكتورىن ايقىندايتىن وتە كۇردەلى تاريحي كەزەڭدى باستان وتكەرىپ جاتىر. ءبىز ۋاقىت كوشىنە ىلەسۋىمىز كەرەك – تەز ءارى باتىل. ۋاقىتتى بوس سوزبەن وتكىزبەي, ناقتى ىستەردى قولعا الىپ, ساياسي جاۋاپكەرشىلىك تانىتۋىمىز كەرەك», دەدى پرەزيدەنت.
مينيسترلەر مەن اكىمدەردىڭ ناقتى ناتيجە كورسەتۋ مەرزىمى دە بەلگىلەنسە كەرەك. ودان كەيىن ۇيىمدىق قورىتىندىلار جانە ءتيىستى كادرلىق شەشىمدەر قابىلدانۋى مۇمكىن. تىعىز جانە ناقتى مەرزىمدەر – مەملەكەتتىك اپپاراتتى كاسىبيلەندىرۋدىڭ العاشقى قادامى. «ەلدى مەكەندەردەگى تىرشىلىكتى قامتاماسىز ەتۋدىڭ بارلىق جۇيەسىنىڭ ۇزدىكسىز جۇمىسىن قامتاماسىز ەتۋ – ۇكىمەت پەن اكىمدىكتەردىڭ نەگىزگى فۋنكتسيالارىنىڭ ءبىرى. دەگەنمەن, ءار جىلىتۋ ماۋسىمى ءبىر ماسەلەنىڭ بەتىن اشادى», دەدى قاسىم-جومارت توقاەۆ.
پرەزيدەنت مەملەكەتتىك ورگاندار سالانى قازىرگى جاعدايعا جەتكىزگەن جۇيەلى قاتەلەر مەن ولقىلىقتاردان ساباق الماعانىن دا اشىق سىنعا الدى. «ون جىلدان استام ۋاقىت ەكىباستۇز گرەس-1 ەنەرگيا بلوگىن قالپىنا كەلتىرە المادىق. ەكىباستۇز گرەس-2-دە كەڭەيتۋ جانە قايتا قۇرۋ جوباسىن ۋاقتىلى جۇزەگە اسىرۋعا قاتىستى ماسەلەلەر بار. ۇكiمەتتiڭ باسىم مiندەتi – بيىل قىزىل تاۋەكەل ايماعىندا ورنالاسقان 19 جىلۋ كوزiن جاڭعىرتۋدى اياقتاۋ. سونداي-اق 700 مەگاۆاتتان استام قوسىمشا گەنەراتسيانى ەنگىزۋدى قامتاماسىز ەتۋ قاجەت. ەندى كەيىنگە قالدىرۋعا بولمايدى», دەپ تاپسىردى مەملەكەت باسشىسى.
تۇتاستاي العاندا, پرەزيدەنت ەلىمىزدە ەلەكتر, جىلۋ جانە سۋدى ءوندىرۋ جانە تاسىمالداۋ بويىنشا قۋات تاپشىلىعى بايقالىپ وتىرعانىن مالىمدەدى. بۇل – بالقاش جەو قۇرىلىسىن اياقتاۋدان باس تارتۋ, تابيعي مونوپوليالار سۋبەكتىلەرىنىڭ جۇمىسىندا اشىقتىق, سونداي-اق تاريفتەردى جاساندى تۇردە تەجەۋ سياقتى ۇلكەندى-كىشىلى كوپتەگەن قاتە ەسەپتەۋدىڭ سالدارى. بىزگە بىرنەشە جۇيەلىك ەلەمەنتتى قامتيتىن سالانى تەرەڭ رەفورمالاۋ قاجەت.
مەملەكەتتىك قىزمەتتەردىڭ تاريفتەرىنە قاتىستى قاسىم-جومارت توقاەۆ رەسۋرستاردى ەسەپكە الۋ جانە دەرەكتەردى ونلاين بەرۋ جۇيەسىن ەنگىزۋدى تاپسىردى. ونىڭ ايتۋىنشا, تاريفتەردىڭ كوتەرىلۋى تۇتىنۋشىلاردى ماقساتتى سۋبسيديالاۋمەن قاتار ءجۇرۋى كەرەك. بۇل ۇدەرىستى بارىنشا جەڭىلدەتۋ جانە اۆتوماتتاندىرۋ قاجەت. ۇكىمەت ەلدىڭ كوممۋنالدىق-ەنەرگەتيكالىق ينفراقۇرىلىمىن قالپىنا كەلتىرۋ جانە دامىتۋ شارالارى كەشەنىن ازىرلەۋگە ءتيىس. قالالاردى اباتتاندىرۋعا, ولاردىڭ لاستانۋىمەن كۇرەسۋگە اكىمدەر دە بەلسەنە ارالاسۋى كەرەك.
بيبىگۇل جەكسەنباي,
سەنات دەپۋتاتى
