نەگىزگى كاپيتالعا ينۆەستيتسيا تارتۋ بويىنشا مەملەكەتتىك ورگانداردىڭ 2023 جىلعى جۇمىستارىنىڭ نەگىزگى قورىتىندىلارى قارالدى.
ينۆەستيتسيالار تارتۋ سالاسىندا ءتيىمدى ءارى ىنتالاندىرۋشى KPI ايقىنداي وتىرىپ, ينۆەستيتسيالىق ساياسات تۇجىرىمداماسىن وزەكتەندىرۋ تاسىلدەرى مەن مەملەكەتتىك ورگاندار جۇمىسىنىڭ تيىمدىلىگىن ارتتىرۋ شارالارى ماقۇلداندى.
بۇدان باسقا اۋىل شارۋاشىلىعى, مينەرالدى تىڭايتقىشتار ءوندىرۋ, ماشينا جاساۋ سالالارىنداعى جەكەلەگەن ينۆەستيتسيالىق جوبالاردى ىسكە اسىرۋ بارىسى قارالدى.
مەملەكەتتىك ورگاندارعا پروبلەمالىق ماسەلەلەردى شەشۋ بويىنشا تاپسىرمالار بەرىلدى جانە جوبالاردى ىسكە اسىرۋدىڭ ناقتى مەرزىمدەرى ايقىندالدى.
ارنايى ەكونوميكالىق ايماقتار قىزمەتىنىڭ قورىتىندىلارىن تالداۋ جانە ولاردى ودان ءارى دامىتۋ بويىنشا ۇسىنىستار تىڭدالدى. جالپى, ونەركاسىپ جانە قۇرىلىس مينيسترلىگىنىڭ نەگىزگى جۇمىس تۇرلەرىن كەڭەيتۋ, وڭىرلەر ءۇشىن تيىمدىلىكتىڭ نەگىزگى كورسەتكىشتەرىن ەنگىزۋ جانە جوبالارعا مونيتورينگ جۇرگىزۋدىڭ ونلاين جۇيەسى بويىنشا تاسىلدەر ماقۇلداندى.
سونىمەن قاتار دەنساۋلىق ساقتاۋ سالاسىنا ينۆەستيتسيالار تارتۋ بويىنشا جاڭا تاسىلدەر تانىستىرىلدى, وندا ارنايى نىسانداردى سالۋ كەزىندە, ونىڭ ىشىندە مەملەكەتتىك-جەكەشەلىك ارىپتەستىك تەتىگى بويىنشا جۇمىستاردى جانداندىرۋ قاجەتتىگى اتاپ ءوتىلدى.
