فوتو. aqmeshit-zhastary.kz
قولجەتىمدى باعاداعى كوكونىستەرمەن بارىنشا قامتۋ ءۇشىن وڭىرلەردە جارمەڭكەلەر باستالادى. وسى رەتتە ءساۋىر ايىنىڭ ەكىنشى جارتىسىنان باستاپ «QazTrade» ساۋدا ساياساتىن دامىتۋ ورتالىعى وزبەكستان مەن تاجىكستاننان يمپورتتاۋ جۇمىسىن جۇرگىزەدى. اتاپ ايتقاندا, قازاقستاننىڭ ەرتە كوكونىستەرگە قاجەتتىلىگىن قامتاماسىز ەتۋ ءۇشىن ۇسىنىلعان كولەم: كارتوپ – 8,2 مىڭ توننا ء(ساۋىر-ماۋسىم), پياز – 5 مىڭ توننا, (مامىر-ماۋسىم).
ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆانىڭ ايتۋىنشا, وتكەن جىلدارداعى تاجىريبەنى ەسكەرىپ, «QazTrade» كارتوپ پەن پيازدى ىشكى نارىققا جەتكىزۋ مۇمكىندىكتەرىن پىسىقتاعان, جەتكىزۋ سحەماسى ازىرلەگەن, ونىڭ ىشىندە شەكارالىق شارتتارمەن بىرگە بىرقاتار لوگيستيكالىق ماسەلەلەر ەسكەرىلگەن.
كەڭەستە سونداي-اق قانتتىڭ ەڭ تومەنگى كوتەرمە باعاسىن بەلگىلەۋ مۇمكىندىگى تالقىلاندى. سەرىك جۇمانعارين وسى ماسەلەگە قاتىستى ءتۇرلى پىكىرلەردى ەسكەرىپ, بىرلەسكەن شەشىم ازىرلەۋ ءۇشىن سالالىق قاۋىمداستىقتار, اۋىل شارۋاشىلىعى, ونەركاسىپ مينيسترلىكتەرى جانە باسقا دا مۇددەلى تۇلعالاردىڭ قاتىسۋىمەن كەڭەس وتكىزۋدى تاپسىردى.
سونداي-اق وڭىرلىك كوميسسيالاردىڭ قىزمەتى تۋرالى دا باياندالدى. جىل باسىنان بەرى وڭىرلەردە 74 كوميسسيا وتىرىسى وتكىزىلىپ, شەكتى تاۋار باعاسىنان اسىپ كەتۋدىڭ 67 فاكتىسى انىقتالعان. ولاردىڭ باسىم بولىگى پاۆلودار, تۇركىستان وبلىستارىندا, شىمكەنت, الماتى جانە استانا قالالارىندا تىركەلدى.
جالپى, جىل باسىنان بەرى الەۋمەتتىك ازىق-ت ۇلىك تاۋارلارى باعاسىنىڭ ءوسۋ ديناميكاسى 0,2%-دى قۇرادى. وتكەن اپتانىڭ قورىتىندىسى بويىنشا باعا يندەكسىنىڭ كورسەتكىشى تۇراقتى.
