توتەنشە جاعدايلار مينيسترلىگىنە قاراستى «ستاك» جشس-نىڭ سەيسميكالىق ستانسالار جەلىسى الماتى ۋاقىتىمەن 23 قاڭتار كۇنى 00 ساعات 09 مينۋتتا جەر سىلكىنىسىن تىركەدى. جەراستى ءدۇمپۋى الماتىدان وڭتۇستىك-شىعىسقا قاراي 264 شاقىرىم جەردە, قازاقستان مەن قىرعىزستان شەكاراسى اۋماعىندا بولدى.
ەنەرگەتيكالىق ساناتى – 15.1. MPV تەربەلىسى – 6.7. تەرەڭدىگى – 65 كم.
جەر سىلكىنىسى الماتىدا 5 بالل دەڭگەيىندە (MSK-64 شكالاسى بويىنشا) سەزىلدى.
الماتى قالاسى توتەنشە جاعدايلار دەپارتامەنتىنىڭ مالىمەتىنشە, ءوزارا ءىس-قيمىل الگوريتمى بويىنشا ءتيىستى مەملەكەتتىك ورگاندارعا حابار بەرىلدى. تىرشىلىكتى قامتاماسىز ەتۋ وبەكتىلەرىنىڭ جۇمىسىنا مونيتورينگ جۇرگىزىلىپ جاتىر.
الەۋمەتتىك جەلىدەگى بەينەجازبالاردان الماتى تۇرىعىندارى ۇرەيلەنىپ, ۇيىنەن كوشەگە, دالاعا شىعىپ جاتقانىن بايقاۋعا بولادى.
