فوتو: airastana.com
«Air Astana» اكتسيالارىن قور بيرجالارىندا ساتۋدى كوپ جىلدار بويى جوسپارلاپ كەلگەن. مەجە بيىلعى جىلدىڭ اقپان ايىندا باعىنادى. بۇل وپەراتسيا كومپانيانىڭ حالىقارالىق نارىقتاعى بەدەلىن بەكەمدەي تۇسپەك.
«كومپانيانىڭ اتىنان «ەير استانانىڭ كوپشىلىك قارجى نارىعىنا شىعاتىنىن قۋانا راستايمىن. ورتالىق ازيا مەن كاۆكازداعى اسا ءىرى اۋە كومپانياسى رەتىندە ءبىزدىڭ وسى سالاداعى مارتەبەمىز, نارىقتىق پوزيتسيامىز جانە ءوسىم ءپروفيلىمىز تارتىمدى ينۆەستيتسيالىق مۇمكىندىك بولا الادى دەپ سەنەمىن. ءبىز جاڭا قازاقستاندىق جانە حالىقارالىق ينۆەستورلاردى كومپانيا اكتسيونەرى رەتىندە قاتارىمىزعا قابىلداۋعا دايىنبىز», دەدى «ەير استانا» اق پرەزيدەنتى جانە باس اتقارۋشى ديرەكتورى پيتەر فوستەر.
ال «قازاقستان قور بيرجاسى» اق-دا (KASE) كومپانيا اكتسياسى تاياۋ كۇندەرى ساتىلىمعا شىعادى.
