SpaceX-پەن بىرگە ا.گەزەراۆجىنىڭ ساپارى تۇركيانىڭ عارىشتى يگەرۋدەگى جىلدار بويعى تىنىمسىز كۇش-جىگەرىنىڭ ناتيجەسى دەۋگە نەگىز بار.
تۇركيا 2018 جىلدىڭ 13 جەلتوقسانىندا ءوزىنىڭ عارىش اگەنتتىگىن قۇرۋ ارقىلى اۋقىمدى جوسپارلارىن جۇزەگە اسىرۋعا كىرىستى. تۇركيا پرەزيدەنتى رەجەپ تايىپ ەردوعان ىرگەسىن قالاعان TUA اگەنتتىگىنىڭ مىندەتتەرى ۇلتتىق عارىش باعدارلاماسىن دايىنداۋ جانە جۇزەگە اسىرۋدى قامتيدى.
- 2021 جىلدىڭ 9 اقپانىندا تۇركيا مەملەكەتىنىڭ باسشىسى ۇلتتىق عارىشتىق باعدارلاماسىن تانىستىردى. قۇجاتتىڭ ون ماقساتىنىڭ ىشىندە حعس-قا تۇرىك ازاماتى قاتىساتىن ميسسيا دا بار. گەزەراۆجى عارىشقا العاشقى ۇشۋىن جاسايدى. وسىلايشا تۇركيانىڭ عارىشتى زەرتتەۋدەگى كۇش-جىگەرى جاڭا ولشەمگە يە بولادى.
الداعى ۋاقىتتا دا ۇكىمەت ۇلتتىق عارىش باعدارلاماسىنىڭ ماقساتتارىنا قول جەتكىزۋ ءۇشىن بەلسەندى جۇمىس ىستەيدى. وسىلايشا, ەكىنشى تۇرىك استروناۆتى تۋۆا دجيحانگير اتاسەۆەر ءساۋىر ايىندا ايعا اتتانادى, - دەپ جازدى انادولۋ اگەنتتىگى.
سونىمەن قاتار, تۇركيا جاھاندىق كومپانيالارمەن ءتيىمدى باسەكەلەسە الاتىن جاڭا بۋىن سپۋتنيكتەرىن وندىرۋدە ءوز برەندىن قۇرۋدى ماقسات ەتىپ وتىر. ەردوعان بۇل قۇجات اياسىندا تۇركيانىڭ «عارىش سالاسىنداعى ەكونوميكالىق جۇيەسىن» ودان ءارى دامىتاتىنىن اتاپ ءوتتى.
ەندى تۇرىك حالقى تاعى ءبىر ماڭىزدى كەزەڭگە دايىندالۋدا, ويتكەنى ەل ءوزىنىڭ العاشقى وتاندىق بايلانىس سەرىگى Turksat 6A ۇشىرۋدى جوسپارلاپ وتىر. ونىڭ ىسكە قوسىلۋى 2024 جىلدىڭ ەكىنشى توقسانىندا دەلىنگەن دەرەكتە.
وسىلايشا, تۇركيا عارىشتى كوممەرتسيالىق پايدالانۋدان تۇسەتىن كىرىستى 600 ميلليارد دوللارعا جانە 1 تريلليون دوللارعا دەيىن ارتتىرۋ ماقساتىنا سەنىمدى قادامدار جاساۋدا.
