فوتو: قازتاگ
تينا كاندەلاكي ءوزىنىڭ Telegram-پاراقشاسىندا قازاقستاندا ورىس ءتىلىنىڭ قولدانىلۋ اياسى تىم شەكتەلىپ جاتقانىن جازعان بولاتىن. ول «ۋرالسك» اتاۋىنىڭ – «ورال», «ۋزەن» اتاۋىنىڭ «جاڭاوزەن» دەپ وزگەرۋى كۇمان تۋدىراتىن شەشىم ەكەنىن جەتكىزگەن.
ونىڭ بۇل پىكىرىنە دينارا ءساتجان جاۋاپ بەردى.
- بىرىنشىدەن, ءبىز تاۋەلسىز مەملەكەتپىز. «ەسىكتەن كىرىپ, ءتور مەنىكى دەمە» دەگەن ماقال بار. سوندىقتان تەمىرجول ستانسالارىنا قانداي اتاۋ بەرەتىنىمىزدى ءوزىمىز شەشەمىز.
ەكىنشىدەن, قازاقستان ەگەمەن جىلدارىندا كەڭەستىك بيلىكتىڭ سالدارىنان جوعالتىپ العان انا ءتىلىن قايتارىپ جاتىر.
ۇشىنشىدەن, ورىس ءتىلى – ۇلتارالىق قارىم-قاتىناسقا ارنالعان رەسمي ءتىل, ال قازاق ءتىلى – مەملەكەتتىك ءتىل. بۇل كونستيتۋتسيادا كورسەتىلگەن, – دەدى جۋرناليست.
وتاندىق تەلەجۇرگىزۋشى تەمىرجول ستانسالارىنا تاريحي اتاۋلارى قايتارىلىپ جاتقانىن ەسكە سالدى.
- بۇل جەردە ورىس ءتىلىنىڭ قولدانىلۋ اياسىن شەكتەۋ دەگەننىڭ قاتىسى قانشا؟ ءبىز ءوز ەلىمىزدە مەملەكەتتىك تىلدەن بولەك ورىس جانە اعىلشىن تىلدەرىندە دە سويلەيمىز. ءبىزدىڭ كۇشىمىز وسىدا! – دەپ جازدى دينارا ءساتجان.
