ءجۋرناليستىڭ سوزىنە قاراعاندا, ارقالىق قالالىق پوليتسيا باسقارماسىنا بەلگيا ازاماتى جانني ەددي ساۆەلەۆتىڭ اتىنان جانە قازاقستانداعى زاڭدى وكىلى رەتىندە ءوز اتىنان سوتقا دەيىنگى تەرگەپ-تەكسەرۋ بويىنشا ارىز بەرىلىپ, ءىس قوزعالعان. الايدا, قىلمىستىق ءىس قانداي دا ءبىر قۇقىق بۇزۋشىلىق قۇرامى بولماۋىنا بايلانىستى قىسقارتىلىپتى.
«اسىراپ العان بەلگيالىق ايەل قازاقستانعا كەلمەي تۇرىپ, جانىبەك جۇماعۇلوۆتىڭ سۋرەتى مەن جەكە مالىمەتىن ەلەكتروندى پوشتا ارقىلى العانىن مالىمدەدى. ودان بولەك, اسىراپ العان ادام ارقالىققا كەلگەننەن كەيىن ءبىر كىسىگە قوماقتى قارجى بەرگەنىن دە ايتتى, - دەدى قىمبات دوسجان.
ول وسى وقيعانى زەرتتەۋ بارىسىندا ارقالىق قالاسىنىڭ بالالار ۇيىنەن 2000-2004 جىلدار ارالىعىندا 80-نەن استام بالانى شەتەلدىكتەر اسىراپ العانىن دا مالىمدەدى.
