فوتو:baq.kz
دەپۋتات جوعارى ءبىلىم بەرۋ ماسەلەلەرىنە, ونىڭ دامۋى مەن حالىقارالىق ستاندارتتارعا سايكەستىگىنە سەنات باسشىلىعى ەرەكشە نازار اۋدارىپ وتىرعانىن مينيسترلىك باسشىلىعىنىڭ نازارىنا جەتكىزدى. دەپۋتات سونىمەن قاتار ءتىل ساياساتى, اتاپ ايتقاندا, مەملەكەتتىك ءتىلدى زاماناۋي تەحنولوگياعا كىرىكتىرۋ ماسەلەسىنە دە توقتالدى.
«پرەزيدەنت العا قويعان مىندەتتەردى ورىنداۋ اياسىندا جانە «كرەاتيۆتى يندۋستريانى دامىتۋ پەرسپەكتيۆالارى جانە زياتكەرلىك مەنشىكتى قورعاۋدىڭ قۇقىقتىق تاسىلدەرى» تاقىرىبى بويىنشا وتەتىن دوڭگەلەك ۇستەلگە دايىندىق بارىسىندا كوميتەت دەپۋتاتتارى ء«تىل-قازىنا» ۇلتتىق عىلىمي-تاجىريبەلىك ورتالىعىندا بولدى. ساپار بارىسىندا مەكەمە ساراپشىلارىمەن بىرگە كرەاتيۆتى يندۋستريانى دامىتۋدىڭ كەلەشەگىن تالقىلادىق. ول, اتاپ ايتقاندا, مەملەكەتتىك ءتىلدى جاساندى ينتەللەكت سالاسىنا كىرىكتىرۋ جانە مەملەكەتتىك ءتىلدى وقىتۋدىڭ وزىق تاسىلدەرىن ازىرلەۋ ماسەلەسى بولاتىن. پرەزيدەنت تاراپىنان جاساندى ينتەللەكت سالاسىن دامىتۋ, سونداي-اق ونى ءبىزدىڭ ومىرىمىزگە كىرىكتىرۋ ماسەلەسىنە ەرەكشە نازار اۋدارىلىپ وتىر. مەملەكەت باسشىسى العا قويعان مىندەتتەردى سەنات پەن ۇكىمەت ءسىزدىڭ مينيسترلىكتىڭ اتىنان, ونىڭ ىشىندە قاجەتتى زاڭناما نەگىزدەرىن جاساۋ ارقىلى شەشۋ تاسىلدەرىن بىرلەسىپ ازىرلەۋگە ءتيىس دەپ سانايمىن», دەدى نۇرتورە ءجۇسىپ.
مينيستر ءوز كەزەگىندە ءتىل ساياساتىن دامىتۋعا جانە وسى سالاداعى ءتيىستى نورماتيۆتىك-قۇقىقتىق اكتىلەردى ۇدايى جەتىلدىرۋگە باعىتتالىپ اتقارىلىپ جاتقان شارالار تۋرالى دەپۋتاتتى حاباردار ەتتى.
