قاز-قاتار تىزىلگەن ءبروندى اسكەري كولىكتەردىڭ سيپاتتاماسىنان حاباردار بولعان ءوڭىر باسشىسى ۋرال 4320 اۋىر جۇك كولىگىن ءوزى تىزگىندەپ, اسكەري ءبولىم اۋماعىندا جۇرگىزىپ كوردى. سونداي-اق ول اسكەري ءبولىم ورىندايتىن جاۋىنگەرلىك مىندەتتەرمەن, وقۋ ماتەريالدىق بازاسىنا نازار اۋداردى. سونداي-اق قارۋدان وق اتۋ داعدىلارىن قالىپتاستىرۋعا ارنالعان تير ورتالىعىندا قارۋدان وق اتىپ كوردى.
جۇمىس بارىسىندا وبلىس اكىمىنە جاۋىنگەرلىك جەدەل توبىنىڭ ۇرىستىق ءتارتىبىن كورسەتىپ, وترياد وفيتسەرلەرى ارنايى جاساقتىڭ زاماناۋي ۇلگىدەگى قارۋلارىن, اسكەري كيىم ۇلگىلەرىمەن تانىستىردى.
وبلىس اكىمى جۇمىس ساپارىندا اسكەري ءبولىمنىڭ ساپتىق الاڭىندا قاز-قاتار تىزىلگەن قارۋلانعان تەحنيكالاردى باقىلاپ, اسكەري نىساننىڭ ماتەريالدىق-الەۋەتىمەن تانىستى. سونداي-اق ول اسكەري ءبولىم ورىندايتىن جاۋىنگەرلىك مىندەتتەرمەن, وقۋ ماتەريالدىق بازامەن جانە بولىمشەلەردىڭ تۇرمىستىق جاعدايىنا نازار اۋداردى. وتكەن جىلى وبلىس اسكەري بولىمگە «Daewoo» ماركالى 4 اۆتوبۋس تابىستاعان بولاتىن. وتىز ورىنعا ارنالعان كولىكتەر جەدەل ماقساتتاعى جەكە قۇرامدى جاۋىنگەرلىك قىزمەت ورىندارىنا تاسىمالدايدى.
وتكەن جىلدىڭ قورىتىندىسى بويىنشا «شىعىس» وڭىرلىك قولباسشىلىعىنا قاراستى 3 بىردەي وبلىستىڭ قوعامدىق ءتارتىبىن قامتاماسىز ەتەتىن جەدەل ماقساتتاعى اسكەري بولىمدەردىڭ ساقشىلارى 3514 اكىمشىلىك قۇقىقبۇزۋشىلىقتى انىقتاپ, 315 قىلمىستىڭ بەتىن اشقان. كەزدەسۋ سوڭىندا وبلىس اكىمى وڭىردەگى تۇراقتىلىقتى ءجىتى باقىلاپ, قالاداعى قوعامدىق ءتارتىپتى قامتاماسىز ەتەتىن ۇلاندىقتاردىڭ ماڭىزدى دا جاۋاپتى قىزمەتتەرىنە ساتتىلىك تىلەدى.
