ەندى جاركو توماشەۆيچ, اسلان داراباەۆ, ستەپان لونچار جانە دەمبو داربو «استانا» كومانداسىنىڭ ويىنشىلارى ەمەس.
چەرنوگوريادان كەلگەن قورعاۋشى جاركو توماشەۆيچ «استانا» قاتارىنا 2019 جىلى قوسىلعان ەدى. توماشەۆيچ نەگىزگى قۇرامدا بارلىعى 78 ماتچ وتكىزگەن. وسى ويىندار بارىسىندا 7 گول سوقتى, 1 ناتيجەلى پاس بەردى. ول «استانا» قۇراماسىنىڭ ساپىندا قازاقستان چەمپيوناتىندا باس جۇلدە الىپ, ۋەفا ەۋروپا ليگاسى مەن كونفەرەنتسيا ليگاسىنىڭ توپتىق كەزەڭىنە ءوتتى.
قازاقستان قۇراماسىنىڭ جارتىلاي قورعاۋشىسى اسلان داراباەۆ «استانا» فۋتبول كلۋبىنا 2021 جىلدىڭ باسىندا قوسىلعان. ول 2022 جىلى ەل چەمپيونى اتانۋعا ۇلەس قوستى, ۋەفا كونفەرەنتسيالار ليگاسىنىڭ توپتىق كەزەڭىنە شىعۋعا ات سالىستى. وسى ۋاقىت ارالىعىندا داراباەۆ كوماندا ساپىندا 50 ويىن وتكىزدى, 3 گول سوعىپ, 7 ناتيجەلى پاس بەردى.
بوسنيالىق جارتىلاي قورعاۋشى ستەپان لونچار 2023 جىلدىڭ شىلدەسىندە «استانا» فۋتبول كلۋبىنىڭ ويىنشىسى اتاندى. ول كوماندامەن بىرگە كونفەرەنتسيا ليگاسىنىڭ توپتىق كەزەڭىندە وينادى. «استانا» فۋتبول كلۋبىنىڭ جەيدەسىمەن 18 كەزدەسۋ وتكىزىپ, 1 گول سوعىپ, 1 ناتيجەلى پاس بەرگەن.
گامبيالىق شابۋىلشى دەمبو داربو دا كلۋبپەن قوشتاستى. ول وتكەن جىلدىڭ ماۋسىم ايىندا ەلوردالىق كلۋبقا قوسىلدى. بارلىعى 42 ويىن وتكىزىپ, 11 گول سوعىپ, 2 ناتيجەلى پاس بەردى.
