دەپۋتات: قاسيەتتى دومبىرانى Akon-عا بەرۋدى پارىقسىزدىق دەپ قابىلدايمىن

دەپۋتات مادەني اتريبۋتتاردى ىلگەرلەتۋدە, ناسيحاتتاۋدا تالعامدى بولۋ كەرەك ەكەنىن العا تارتقان.

- ۇلتتىق مۋزىكالىق مۇرامىزدىڭ سيمۆولى - قاسيەتتى دومبىرانى جەزوكشەلىك پەن ايەلدەردى قورلاۋدى ناسيحاتتاۋدىڭ ايقىن سيپاتىنا يە «Smack that», «hypnotiser» سياقتى اندەردى ورىندايتىن انشىگە بەرۋ – پارىقسىزدىق, ۇلتتىق قۇندىلىقتاردى تابانعا تاپتاۋ دەپ قابىلدايمىن, – دەدى ول دەپۋتاتتىق ساۋالىندا.

ايتىسكەر جاستاردىڭ تيك-توك پەن ينستاگرامنىڭ تۇتقىنىنا اينالىپ, عاسىرلار بويى كوزدىڭ قاراشىعىنداي ساقتاعان قۇندىلىقتارىمىزدان, ۇلتتىق تاربيە ونەگەسىنەن اجىراپ بارا جاتقانىنا الاڭدايتىنىن جەتكىزدى.

- ناقتى دالەل: استانادا وتكەن Akon-نىڭ كونتسەرتىنە بايلانىستى بىرنەشە اسپەكتلەرگە توقتالايىن:

بىرىنشىدەن, كونتسەرت كەزىندە جانكۇيەر جاستار انشىگە ءىش كيىمىن لاقتىرىپ, تومەن مورالدىق مىنەز-ق ۇلىق كورسەتتى, ەلىمىزدىڭ بەدەلىنە نۇقسان كەلتىردى. 

ەكىنشىدەن, ۇلتتىق وزەگى ءالسىز, وزگەنى ءپىر تۇتقىش جاستار اندەردىڭ كونتەكستىندە بايقالاتىن گەندەرلىك كەمسىتۋشىلىك ماسەلەسىن, قىزداردىڭ نامىسىن, ابىرويىن قورلايتىن تەرىس مازمۇنىن اڭعارماي ەسى كەتتى.

ۇشىنشىدەن, «smack that»  ءانىنىڭ ماتىنىنەن ەروتيكالىق سيپاتتاعى ءناپسىنى قوزدىرۋعا يتەرمەلەيتىن, سانانى لايلاپ, تاربيەگە تەرىس اسەر ەتەتىن قاۋىپتى مازمۇندى اڭعارامىز, – دەدى دەپۋتات.

بۇل رەتتە, حالىق قالاۋلىسى مادەنيەت جانە اقپارات مينيسترلىگى شەتەلدەن ەلىمىزگە كىرەتىن مادەني ونىمدەرگە, گاسرولدىك ساپارمەن كەلۋشىلەرگە قويىلاتىن ناقتى تالاپتار جيىنتىعىن ازىرلەۋ كەرەك ەكەنىن ايتتى.

ەستەرىڭىزگە سالساق, امەريكالىق تانىمال ءانشى Akon-دى اۋەجايدان جىلى قارسى العان استانالىقتار كادەسىي رەتىندە دومبىرانى سىيعا تارتقان بولاتىن.