مەتەورولوگتار اتاپ وتكەندەي, ايازدى اۋا رايى اياقتالۋعا جاقىن. قازاقستان اۋماعىنا گولفستريممەن جىلىتاتىن سولتۇستىك اتلانتيكالىق تەكتەس اۋا ماسسالارى ەنەدى, سونىڭ سالدارىنان ەلىمىزدىڭ باسىم بولىگىندە اۋا تەمپەراتۋراسىنىڭ جوعارىلاۋى كۇتىلەدى.
«كەلەسى سولتۇستىك اتلانتيكالىق تسيكلونعا بايلانىستى اۋا رايى بۇزىلادى, بۇرقاسىنمەن بىرگە قار جاۋادى, الدىمەن قازاقستاننىڭ باتىسى مەن وڭتۇستىگىندە, 21 جەلتوقساندا كۇندىز سولتۇستىگىندە جانە ورتالىعىندا قار جاۋادى, ارتى جاڭبىرعا اۋىسادى. ال كۇندىزگى تەرمومەترلەر بىرتە-بىرتە 2 گرادۋس ايازعا دەيىن كوتەرىلەدى», دەلىنگەن حابارلامادا.
