قايعىلى جاعداي 2023 جىلدىڭ قىركۇيەگىندە تاڭعى ساعات 04:00 شاماسىندا بولعان. 39 جاستاعى تولقىن ابدۋراحمانوۆ پەن 11-سىنىپ وقۋشىلارىنىڭ اراسىندا كوشەدە جانجال تۋىندايدى. كەيىن توبەلەسكە 20 جاستاعى تاعى ەكى جىگىت قوسىلادى. وسى جاعدايدان كەيىن بەس بالانىڭ اكەسى وقيعا ورنىندا قايتىس بولادى.
ءبىر توپ جاستار مەن ازامات اراسىنداعى كيكىلجىڭ بەينەباقىلاۋ كامەراسىنا ءتۇسىپ قالعان. دەگەنمەن ادام ولىمىمەن اياقتالعان بۇل ىستە ولاردىڭ بىرەۋى عانا كۇدىككە ءىلىنىپ, 8 جىلعا سوتتالدى. سۋديا سوزىنشە, سوتتالۋشى سوققىسىنان كەيىن مارقۇمنىڭ ميىنا قان قۇيىلعان. ال توبەلەسكە قاتىسقان وزگە جاسوسپىرىمدەر سوتقا كۋاگەر رەتىندە قاتىستى.
