ونىڭ سوزىنە قاراعاندا, ديماش ەت تاعامدارىن ءسۇيسىنىپ جەيدى. وزگە ەلدە كوپ ۋاقىت وتكىزەتىن ونەر يەسى شاڭىراعىنا ەتتى اڭساپ كەلەتىن كورىندى.
«ديماش كەلە جاتىر دەگەننەن اجەسى قازانعا ەتىن سالا باستايدى. كۇن سايىن تاباق-تاباق ەت اسىلادى. ودان كەيىن بولەك نانمەن جەيتىن قازىسىن اسىپ قويامىز. ول بالا كۇنىنەن ەت تاعامدارىن جاقسى كوردى. جازدا جەمىس-جيدەك پەن كوكونىس پىسەتىن ماۋسىمدا بانكا جابامىز. بارلىق وتباسى سەكىلدى ءبىز دە قىسقا دايىندالامىز. سەنەسىزدەر مە, ديماش ءۇشىن ءبىر ماۋسىمدا 100 بانكا كومپوت جابامىز. ول قولدان قايناتىلعان كومپوتتى وتە جاقسى كورەدى. ءالى كۇنگە دەيىن ءسۇيسىنىپ ىشەدى», دەدى ونەر يەسى.
سۆەتا ايتباەۆا ءسوزىنىڭ اراسىندا بولاشاق كەلىنىنە قانداي تالاپ قوياتىنىن دا جاسىرمادى. ول ۇلىنىڭ جارىنا ءبارىن ءوزى ۇيرەتۋگە دايىن ەكەن.
«ديماش ۇيلەنىپ, كەلىن تۇسىرەتىن جاسقا دا جەتتىك. كەلىنىمە قوياتىن تالابىم جوق. ءوزىنىڭ ۇيىنەن ەشتەڭە بىلمەي كەلسە, ءبارىن باسىنان باستاپ ۇيرەتەمىن. ءوزىمىز دە ءۇي تىرلىگى مەن تاماق ىستەۋدى قاتىرىپ ۇيرەنىپ كەلگەن جوقپىز. بوساعا اتتاعان شاڭىراقتان ۇيرەندىك», دەيدى ءانشى.
ەڭ قىزىعى, ول بالا كۇنىنەن ىشەك-قارىن تازالاۋدى بىلگەن. ديماش سياقتى ونەر قايراتكەرى دە اتا-اجەسىنىڭ باۋىرىندا وسكەن.
