وسى ۋاقىت ارالىعىندا اتالعان قىزمەتكە 117 ادام ۇمىتكەر رەتىندە تىركەلىپ, قۇجات وتكىزگەن ەكەن. تemirtautynysy.kz-ءتىڭ جازۋىنشا, ءبىر ۋاقىتتا پرورەكتور لاۋازىمىنا مۇنشا ادامنىڭ كونكۋرسقا قاتىسۋى – وتاندىق ۋنيۆەرسيتەتتەردىڭ تاريحىندا بولماعان وقيعا.
ۆاكانتتى لاۋازىمعا كونكۋرس «اكادەميك ە.ا.بوكەتوۆ اتىنداعى قاراعاندى ۋنيۆەرسيتەتى» كەاق ديرەكتورلار كەڭەسىنىڭ شەشىمىمەن جاريالانعان. حابارلاندىرۋ وقۋ ورداسىنىڭ رەسمي سايتىندا, الەۋمەتتىك جەلىدە, سونداي-اق headhunter (hh.kz) جانە enbek.kz جۇمىسپەن قامتۋدىڭ ەلەكتروندى الاڭدارىندا جاريالانعان. كونكۋرسقا قۇجات قابىلداۋ 2023 جىلدىڭ 10 جەلتوقسانىندا اياقتالدى. وسى ارالىقتا 117 ازامات ۇمىتكەر رەتىندە تىركەلىپ ۇلگەرىپتى. ولاردىڭ اراسىندا وتاندىق عالىمدار عانا ەمەس, رەسەي, ۋكراينا جانە وڭتۇستىك افريكا رەسپۋبليكاسىنان دا ۇمىتكەرلەر بار.
«قازىر ءبىز ديرەكتورلار كەڭەسىمەن بىرگە ۇمىتكەرلەردىڭ قۇجاتتارىن قاراپ, ولاردىڭ تالاپقا ساي بولۋىن بارىنشا قاداعالاپ جاتىرمىز. بۇگىن دە ۇلكەن وتىرىس ءوتتى. ۇمىتكەرگە قويىلاتىن باستى تالاپ – جوعارى وقۋ ورىندارىندا باسقارۋ تاجىريبەسى جانە كرەاتيۆتى ويلاپ, كەز كەلگەن قيىندىقتى ەڭسەرەتىن قابىلەت يەسى بولۋى. سونىمەن قاتار, ۇمىتكەر اكادەميالىق ادالدىقتى ۇستام ەتۋى ءتيىس», دەيدى ۋنيۆەرسيتەتتىڭ باسقارما توراعاسى – رەكتورى نۇرلان دۋلاتبەكوۆ.
ايتا كەتۋ كەرەك, قازىرگى تاڭدا ە.ا.بوكەتوۆ اتىنداعى قاراعاندى ۋنيۆەرسيتەتىندە اۋقىمدى جاڭعىرتۋ جۇمىستارى جۇرگىزىلىپ جاتىر. وقۋ ورداسى ءوندىرىسى وركەندەگەن قاراعاندى وبلىسىنا عانا ەمەس, كۇللى رەسپۋبليكاعا جاقسى تانىمال. سونىمەن قاتار الىس-جاقىن شەت مەملەكەتتەردىڭ جوعارى وقۋ ورىندارىمەن ارىپتەستىك بايلانىس ورناتىلىپ, قارىم-قاتىناس كۇشەيگەن. اسا جاۋاپتى قىزمەتتى اتقارۋعا جۇزدەن استام ادامنىڭ قۇلشىنىس تانىتۋى وقۋ ورداسى ءيميدجىنىڭ بۇل كۇندە قانشالىقتى نىعايعانىن اڭعارتاتىنداي.
