ونىڭ سوزىنشە, قازىر بانكتەرمەن اپروباتسيا, پيلوتتىق جوبا ءجۇرىپ جاتىر. ۇكىمەت ءۇش اي ىشىندە ءبىر كارتا بويىنشا 100 اۋدارىم كريتەريىن قويعان.
«باقىلايمىز. بۇل كريتەريلەر شارتتى تۇردە. رەتتەي الامىز, مۇمكىن از, مۇمكىن كوپ بولۋى مۇمكىن اۋدارىمدار سانى. دەسە دە جاڭا تۇزەتۋلەر كاسىپكەرلىك قىزمەت سيپاتىنا يە ءموبيلدى اۋدارىمدارعا سالىق سالۋعا باعىتتالعانىن ەسكەرگەن ءجون.
ەگەر بۇل تۋىستار اراسىنداعى, مۇمكىن ارىپتەستەر اراسىنداعى قاراپايىم اۋدارىمدار بولسا, ءارتۇرلى جاعدايلار بولادى - تۇسىنىكتى, بۇل كاسىپكەرلىك قىزمەتكە قاتىستى ەمەس, سالىق سالىنبايدى. سوندىقتان مۇندا باستى ماقسات – ءجيى جۇرگىزىلەتىن اۋدارىمداردى فيسكاليزاتسيالاۋ», - دەدى ۆيتسە-پرەمەر.
جۋرناليستەر «سىيلىققا نەمەسە جاڭا پەردە الۋعا اقشا جينايتىن مەكتەپ وقۋشىلارىنىڭ اتا-انالارىنا جاسالعان اۋدارىمدار ءۇشىن سالىق تولەۋ كەرەك پە؟» دەپ سۇرادى.
«جوق, مۇنداي جاعدايلاردا سالىق شارالارى قابىلدانبايدى, ويتكەنى بۇل ءبىر رەتتىك تولەمدەر ەكەنىن بىلەمىز. مۇنداي اۋدارىمدار ءۇشىن تاۋەكەل تۋدىرمايدى, بىراق بيزنەسى بار ادامدار ءۇشىن تاۋەكەل بولادى: دۇكەن, تاكسي جانە ت.ب. ياعني, بيزنەسپەن تىكەلەي اينالىساتىن ادامدار», - دەپ جاۋاپ بەردى قارجى مينيسترلىگىنىڭ باسشىسى.
ول كاسىپكەرلىك قىزمەتپەن اينالىساتىن قازاقستاندىقتاردى وسىنداي ماقساتتار ءۇشىن ارنايى شوتتار اشۋعا شاقىردى.
«بۇل ءۇشىن ارنايى كارتانى, ارنايى شوتتى اشىڭىز جانە قالاعانىڭىزشا اۋدارىمدار جاساي الاسىز. كاسىپكەرلىك قىزمەتتىڭ بەلگىلى ءبىر تۇرىنە تىركەلىپ, سالىق تولەڭىز. كولەڭكەدە جۇمىس ىستەپ جاتقان كاسىپورىنداردى وسىعان اكەلىپ جاتىرمىز», - دەدى جاماۋباەۆ.
