وبلىس اكىمى جازۋشىنىڭ شىعارمالارىن بىرنەشە بۋىن وقىپ وسكەنىن, سونىڭ ىشىندە ءوزى دە بالا كۇنىنەن قالامگەردى تۋىندىلارى ارقىلى تانىعانىن اتاپ ءوتتى.
«كەڭەستىك كەزەڭنىڭ قاتاڭ سۇزگىسى بار كەزدىڭ وزىندە ءسىزدىڭ شىعارمالارىڭىزدىڭ شىندىقتى ايتا بىلەتىن مىنەزى بولدى. بۇدان بولەك, تاريحي تۋىندىلارىڭىز ءبىر توبە. ءسىزدى از جازسا دا, ساز جازاتىن, مەملەكەتتىك, قوعامدىق دەڭگەيدەگى ءىرى ماسەلەلەرگە كەسەك پىكىر ايتا بىلەتىن قايراتكەر رەتىندە قۇرمەتتەيمىز», دەگەن ب.يساباەۆ جازۋشىنىڭ شىعارماشىلىق ەڭبەگىنە تابىس تىلەپ, ارنايى اتاقتىڭ لەنتاسىن, توسبەلگىسى مەن قۇجاتىن رەسمي تۇردە تابىستادى.
ءوز كەزەگىندە بەكسۇلتان نۇرجەكەەۆ ريزاشىلىق تىلەگىن ءبىلدىرىپ, «تۋعان جەرىمنىڭ بۇل سىيى – ماعان بارىنەن قىمبات. جەتىسۋدىڭ مەن ءۇشىن ورنى بولەك. جانە وسى وتىرعان ارقايسىسىلارىڭىز ءۇشىن دە سولاي بولۋعا ءتيىس. پرەزيدەنت ادىلەتتى قوعام قۇرۋ, ادال ازامات بولۋ تۋرالى ايتتى. سول ۇستانىمدى ارقايسىسىمىز وزىمىزدەن باستاۋىمىز كەرەك. بۇگىنگى ماعان كورسەتىپ وتىرعان قۇرمەتتەرىڭىزگە ريزاشىلىعىمدى بىلدىرەمىن», دەدى.
ايتا كەتەيىك, بەكسۇلتان نۇرجەكەەۆ جەتىسۋ وبلىسى پانفيلوۆ اۋدانى اقجازىق اۋىلىندا تۋعان. ول «كۇتۋمەن كەشكەن عۇمىر», «ەرلى-زايىپتىلار», «جاۋ جاعادان العاندا», ء«اي, دۇنيە-اي» سياقتى بىرقاتار پروزالىق كىتاپتىڭ اۆتورى.
جەتىسۋ وبلىسى
